ى هونك بعد حيي...ترى بعض الصدود خباال

كثر ماقلت حبيني وعيشيني براحة بال
كثر ماكان يذبحني غلاك وطاري غيابك

كثر ماكان في الماضي حنيني يرسم الأمال
كثر ماكانت أنفاسي تذوب بريحة ثيابك


أبشكيلك وأبحكيلك حقيقة واقع المرسال
أنا وأن كنت ماتدري أذوق المر بأسبابك


حبيبي والجروح اللي لقت في داخلي مدهال
تصب أحساسي الموجع حنين يدمي أحبابك


أنا ماقلت أحبك لا ولاقلت الهوى القتال
أنا ياروح روح الشوق غرام فاح بأطيابك


كذا يعني جنون أنثى خذتها نظرة الخيال
خذاها الشوق للماضي وصادف بابها بابك


على هونك بعدحيي ترى بعض الصدود خبال
وأنا من دونك ودونك شعورن صعب ينتابك


تعلم كيف تسمعني تعلم مدت الفنجال
عساك اليوم تتعلم تسد لزوم طلابك


ترفق نعنبو دارك تراني من بنات رجال
شموخي يرفض التكرار تركد نوخ ركابك


تعال نغير العالم ونقلب وجهة المنوال
أبكتب فيك وأنثرلك قصايد شوق تزهابك


حبيبي يابعد ناسي على قلبك شكيت الحال
أنا يذبحني جنونك أنا كلي فدا عتابك


ذبحني هاجس الفرقى ذبحني طاري الترحال
طلبتك بس ساعدني أجدد صفحة كتابك


أمانه لاتخليني على رجوى دفا وظلال
أنا ماعدت أتحمل جنون ثار فأهدابك

ابيات في قمة الروعه يعطيك العافيه
وبانتظار جديدك
تحياتي

قصيده رائعه صح لسان الشاعر
وسلمت يمناك اخوي ع الاختيار المييز..
تقديري وفائق ودي...

دايم السيف رائع ومبدع الله يعطيك العافية
وتحياتي وتقديري