نفدي الوطن بالمال والروح نفديه

السلام عليكم ورحمة الله وبركاته

بسم الله الرحمن الرحيم

اليوم عندي قصيدة عن الوطن
عن المملكة العربية السعودية

قصيدة تعبر عن محافظة بلادنا من الارهاب

على العموم القصيدة طويله شوي
واتمنى تقرونها الى الاخر وان شاء الله تنال على اعجابكم


يالله ياللي بأول العلم نبديه == بسمك بدينا وأنت أعز الأسامي
تحفظ بلدنا من عدوً يعاديه == ونقولها في كل حزة و عامي

مليكنا عبدالله العروبة نسميه == حامي بلاده في نهار الزعامي
مكة وطيبة كل مسلم تناديه == حكامها آل سعود خير الحكامي

دار بها المسلم يصبح ويمسيه == كل الدول تبدي لها الأحترامي
قاداتنا سلام والعهد نوفيه == نقولها بالفعل ما هو كلامي

يخسا العدو ما هو ببادي مباديه == نعطيه ضربه في صميم العظامي
يا قائد القوات حنا نربيه == نخاصم العدوان في وقت الخصامي

اللي يخون الدار ربي يجازيه == يخسا العدو محد يحطة إمامي
ما نقبل الأرهاب واللي يراعيه == والله يمشي في سواد الظلامي

ما عاد للأرهاب بيتا يذاريه == يصبح على داره غبار وعسامي
حنا الطواري والعدو دوم نرميه == نحارب الأرهاب شرقاً وشامي

نفدى الوطن بالمال و الروح نفديه == إستشهدوا منا ثلاثة كرامي
سطام فأولهم وعليٍ يواليه == وحسين ثالثهم بنفس المقامي

اللي توفي بالشهادة نهنيه == دون الوطن والدين ما هو حرامي
فخر لنا يبقى وجهداً نؤديه == عسى الثلاثة كلهم لرحامي

من يدعم الأرهاب و الله نعميه == يصبح ويمسي ما هناه المنامي
يبقى العدو سمه ببطنه يلاويه == يطعم لذيذ الموت مثل السهامي

معاد يلقى له طبيباً يداويه == ما دام ميسمنا على النار حامي
نسيقه بالموت الحمر لين نرويه == نبي نصب الماء بروس الظوامي

لبلادنا عهداً علينا ونحميه == دون الديار الطاهرة ماهي نظامي
حكامنا آل سعود والدار نبنيه == عيال اخو نورة وثيق الحزامي

صلوا على المختار ربه معليه == على رسول الله صلاة وسلامي

انتهت القصيدة وان شاء الله تنال أعجابكم

قصيده جميله صح الله لسان الشاعر
وشكرا لك اخي الكريم على النقل المتميز

لك تحياتي

يستاهل الوطن الغالي هالقصيدة الرووووعه


تسلم اخي الغالي كاكا