الصمت عن بعض البشر يعتبر جود .

الصمت عن بعض البشر يعتبر جود
ما كل هرج يستحق الإجابة
وإذا نشب للعاقل أهبل و مقرود
عن الوحل ما تسمو إلاٰ السحابة
الرد ممكن ينقصك وإنت في زود
والصمت بعض أحيان حكمة ومهابة
وش هيبة الغربان لو تنعق حشود
دام الأسد صامت وكلن يهابه

هالوقت بعض فهوده ماتنجب فهود
وبعض الذياب اشكال ما هي ذيابة
يغتابني التافه وعندي له ردود
لٰكني أترفع شموخ و ذرابة
انا خوي الوافي وارقى به سنود
ولا الردي ينبح و محد درى به
والعيب من راعيه ماهوب منقود
عيب علي أنزل له واحسب حسابه
قولو له إني بخير لا شفت لحسود
أحجار أرقاها وأطول السحابة
العود الأصلي لا إنكوى فاح لك عود
والجمر دونه لين يرمد ترابه


كلمات/ العالية ..

وابيااات عاليه فعلا
اختيار قمه في الروعة
ودمتي بهذه الروعة ياندى

جمال المعاني
وجزالة الكلمات
وروعة الفكر
اختيار موفق ندو
بوركتي عززيزتي

جميل الصمت عن كل زله وخطأ ولكن مين يقدر
سلمتي ودمتي بود ندا الجنوب لجميل نقلك

مرور عطر
عطر الله حياتكم بذكره وطاعته

شكرا لكم ملايين ..

اختيار جميل
سلمت يدينك