نق الوفي منهم وخل النطيحة

لاتشتكي للناس لو كنت مطعون
والذم من بعض الخلايق مديحة

ولا تنحني للهم وتعيش مغبون
المستريح أهل العقول الصحيحة

لا صرت صادق قالوا الناس مجنون
ما يمدحون ألا النفوس القبيحة

وخلك صمود بوجه الأيام موزون
وما حرم الله إثم لا تستبيحه

والكبر لو به فايدة فاد فرعون
ومن ذاع سره بشّره بالفضيحة

والله لو يعطون لك مال قارون
ما شفت نفسك بالغنى مستريحة

أنفض هموم القلب وإبليس ملعون
وان ضاق صدرك أرض ربي فسيحة

أضحك وفل حجاجك أشفيك محزون
دنياك ما تسوى وخذها نصيحة

ما دام ما لك ميت ولا أنت مديون
إرم الهموم وخل نفسك مريحة

لو كانوا أصحابك يظاهون مليون
نق الوفي منهم وخل النطيحة

أضحك وفل حجاجك أشفيك محزون
دنياك ما تسوى وخذها نصيحة

طيب ابشري نحاول نطبق النصيحة
أبيات جميلة سلسبيل ومعاني عميقة لمن يتأمل ويعي بأن الدنيا لاتساوي شيئا
يسلموو لروعة الانتقاء

ابيات في مجملها الحكمه والفائده والعبره
مميزه الف يسلموو سلسبيل ع روعة مانقلتي

مشكورين ربي يسعدكم ويبارك فيكم