الله يسامحك

الله يسامحك
للشاعر سعد صالح المطرفي

سقا الله زمانٍ يوم كان اللقا يفرحك

يومنا إنتقاسم ضحكة الوقت وإزعاجه

زمانٍ ليامنه طرى / قلت :يا مملحك

أثارِ السنين إبدون وصلك ولا حاجه

تعبت أسهرك وإليا سهرتك تعبت أمرحك

ي حلو السنين وسيد الشعر وأفواجه

خسرتك وأنا اللي كان لازم علي أربحك

شبيه المريض اللي ضيع إعلاجه

إذا قلت لي مشتاق / قلت الله يسامحك

وش الشوق لا صار الرجل شوقه إحراجه

أجي للمكان اللي تجي فيه لجل ألمحك

ولو كان مالي في مكانك ولا أحتاجه

ي فيني حزن وأخفيه وأرسم ملامح ضحك

وأنا لي سبب وإلا الفرح طافي إسراجه

أخاف العدو يضحك إحجاجه وأبا أصارحك

يموت الرجل ولا العدو يضحك إحجاجه

ترى أوضاعنا ماظن تسرك ولا إتريحك

إذا كنت غالي قدر الوضع بأمواجه

أشوفك قريب ولاني بقادر أستسمحك

وإذا جيت بيتك ردني العقل وإسياجه

ي كثر الذي مر بعيوني ولا طيحك

يطيحون هم وقدرك أبراجه أبراجه

وأنا خابر لي بحر بقلبك وسابحك

ي بحر تحسفنا على امفارق أمواجه

لفيتك وأنا سيد مسا الماضي وبارحك

فلا تكابر بشوقك وللشوق مخراجه

لو أخفيته بقلبك عيونك تبي تفضحك

يموت الكلام ونظرة الشوق زعاجه

تعال وتهايق في خفوقي وشف مطرحك

وشف كيف لك نار من الشوق وهاجه

وإذا كان درب امواصلي لك يبي يجرحك

صحيبك على شانك يبي يرجع أدراجه

ل صار البعاد إليا استوا يستوي لصالحك

أبرضا ولو ماني براضي بمنهاجه

يا شين المكابر والبلا اللي لجا يذبحك

ليا قلت مااحتاج اللقا وإنت محتاجه
....

إنتقاء عذب ومميز ,,, شكري لـ ذائقتگ ,,,راقت لي كثيراً ,,,كل الشگر جوود ,,,

لا خلا ولا عدم ,,,

الشكر لحضورك العطر راعي الفزعة

انتقائك جميل وعذب جووود
بانتظار قادم جديدك
يسلموو ودمتي بود

سلمت ذائقتك اختي جوود
وافر الامتنان يانقية المحيا

ابيات راقيه وعذبه
سلمتي يانقيه على روعه الإختيار
دمتي بخير

ابيات عذبه ورائعه
سلمت الذائقه جووود