من شَفآيفهآ يبل الروجْ رِيقي

من شَفآيفهآ يبل الروجْ رِيقي

قلها وش صار فيني يا رفيقي
قلها وش شفت من حالي بعدها

انقل الصوره عن الوضع الحقيقي
واخلص النيّه وذكرها وعدها


من حكت لك دربك وهذا طريقي
قلبي المغرم جفى الدنيا وزهدها


وين يوم اني اذوقها رحيقي
ووين يوم انها تذوقني شهدها


كانت امي لابتي اختي صديقي
وكنت أبوها وامها وضمة ولدها


مالها غيري وهي كابتن فريقي
ولا أنا لي موطنٍ الا بلدها


من وهجها كنت اسميها بريقي
وكانت تسمي فرح شوفي سعدها


قلبها نبضي وزفرتها شهيقي
وروحها فيني وروحي في جسدها



من شفايفها يبل الروج ريقي
والضمى ترويه من فزة نهدها


كل شي فيها يزوّد لي حريقي
كيف طاوعت الخفوق انه يهدها

الموادع ليش خليته غريقي
والوصل يبحر على موجة زبدها

تكفى يا محمد نخيتك يا رفيقي
اخلص النيه وذكرها وعدها

من شفايفها يبل الروج ريقي
والضمى ترويه من فزة نهدها

ايش الابداع هذا يابو رنا
صااااااااروخ أرض جو
يقصف أجواء المنتدى بهذهـ
القصيدهـ اللي تفتح النفس ع الصبح
راقت لي ذائقتكـ
ولعيونكـ أنت والقصيدهـ
خذ أحلا تقييييييييم

أمير الذوق

قصيده مزلزله مجلجله ههههه
بالفعل قصيده معبره للغايه فيها من الاحساس وروعة المشاعر الصادقه الشي الكثير
يعطيك العافيه ابورنا

قصيده رائعة
وصح لسانك أبو رنا
لك ودي وتقديري
المحقق كان هنا

اميرالذوق
تميم
المحقق التليدي

شكر لمروركم الرائع
لكم ارق التحايا