يموت ذيب القوم قهر و غبينه ..

جعلت لك من زين الايام زينه ..
واديت واجب صحبتيلك على اصول !



و دفنت حبّك بالضلوع الدفينه ..
و ورّدتني جمّة مهابيل و خبول !



كم قلتلك قلبي يحالي حنينه ..
حنين هرش بلاهب القيض معقول !



و كم جيت ساري خلف سور المدينه ..
و من حر جوعي لك ليا شفتك اقول !



الجوع شين و خوّة الجوع شينه ..
ودّك تخاوي نعمة الله على طول !



جيتك و انا معدوم ثقل و سكينه ..
مدري وش اباقول ولا وش اطول !



لين الجفا تصفح يمينك يمينه ..
و ارخصتني وانا محيّر و مذهول !



و اقفيت وافراقك عقد حاجبينه ..
و ادعي حلولك مير ما عندك حلول !



و سمعت ساعة اقفيت دقّه حزينه ..
و حطيت دون الدمع بيبان و قفول !



اخاف من قول البشر كيف عينه ..
سالت مدامعها علشان مجمول !



و ثبت الخافق يبيّح كنينه ..
بيني و بين الذات ما حولي الزول !



و قعدت افكر في ضنين و ضنينه ..
وش تالي المعقول و الغير معقول !



دقّيت ابين ما حوته الخزينه ..
لكن تيلفونك على طول مشغول !



ودّي ابين لك رساله ثمينه ..
ولا لك الا هي وانا ترثة زحول !



يموت ذيب القوم قهر و غبينه ..
اخير من موته على شان مجمول

منقول

ابدااااااااااع في الأداء ...

و لكن الإبداع الأكثر في النقل ...

لأن لولا النقل لما وصل الأداااااااااء ...


سلمت يمينكـ أخي تليدي ...

و تقبل مروري ...


هدوء المحيط

هـــــــــــــــدوء المحـــــــــــــيط

إذا صح منك الود فالكل هين===وكل الذي فوق التراب تراب