صبري بالأمَل ماهز فنجَاله

صخـب

صخب داخل صدر مَ استوعب إنّه داخل الأوهآم

تعَب يتبع تعب .. كنّه يشيل الكُون ب لحاله

يحل الليل .. ياليل السهر وش سّوّت الأيام ؟

ينَام الليل .. وصبري بالأمَل ماهز فنجَاله

يهل الصبح .. ياصبح البراءه والحكي أنغآم

تعآل بجنبي .. لا تبعد .. وخذني منه وأفعاله

يغفّي الصبح .. يستوحش .. سمآ فكري بعد ما نام

ولا يصحى سوا من صُوت ليل يكسّر أقفاله

يجيني الليل .. كنّه جايب ٍ لي من وراه أقوام

ويستوطن سكوت ... وتكفي النظره عن أقواله

و أرد أسأله .. ياليل العشيق وصرخة اللي هام

علام الكون ياليلي .. كذا .. مسودّه أحواله

علامك صرت تتبع للخيانه وأبشع الآلآم

وركن ٍ به طعون وجرح .. أشوفك دايم قباله

و نوح وبوح صمت ٍ مالقى مخرج سوى الأقلام

وحبر تحركه دمعة حزن والعين همّاله

يغفي الليل .. والليله طويله .. كنها أعوام

وأناظر ساعتي وأنا أنتظر .. ميعاد منزاله

وجا صبحي .. معه عج وغبار .. وتاهت الأحلام

ونام الصبح وصبري من ألم .. مكسُور فنجاله

للشاعر عبدالرحمن راشد البلوي ..

روعه يا تليديه ..
قصيدة حلوه جداً
إنتقاء غايه في الجمال
شكراً لكِ ودمتِ بخير ..

الروعة في حضورك الراقي الحريصي
الذي ازدان به متصفحي
لروحك النقية باقات الورد الطائفي

قصيده رائعه كرووعة تواجدك يالغلا
وفقك المولى وأسعد قلبك
دمتي بخير

أنرت الطرح بحضورك الراقي طيف
اكليل من البنفسج لروحك النقية

قصيدة رووووعة وتستحق الاعجاب..
يعطيك العافية ..
سلمت يداك..
خالص شكري لك..

قصيده بكاملها ممتعه
والف يسلموو تليديه لتميزك بهذا الانتقاء الرائع