قصيده رثاء في شهداء الواجب بالوديعه

بسم الله الرحمن الرحيم
هذه الأبيات قالها الشاعر/ ابو راجح آل الحسن جنب بن سعد قحطان
في مدح أبطال يوم الوديعه 1435/9/6
وهم سلمان بن سعيد آل غراب القحطاني تهامة قحطان وحمد بن رفده العاطفي القحطاني

يالله ياللي يعلم الخافي ويعلم بالجهر
الواحد الفرد الصمد فوق الخلايق معتلي
يالله تغفر لي ليا وقفت في يوم الحشر
واجعل ختامي بالشهاده والكتاب المنزلي
من بعدها ياهاجسي قرب ترى وقتك حضر
وانظم قوافي الشعر وارسلها مثل ورد الدلي
ياراجح اركب فوق لكزس من بني ياسٍ صدر
اربعة عش والفين من شاني سرى واسترسلي
خابرك حرٍ ماتهاب الموت واخطار السفر
سم وعلى الرحمن دايم يااللبيب اتوكلي
خذي مني المرسول تالي الليل من قبل الفجر
مسراك من وادي الحيا والليل برقه يشعلي
اربط حزامك والذخيره واطلب الله الستر
ومن المخازن عبها يامسندي واستعجلي
انحر به الخط الطويل وعب ممتازٍ حمر
وشغل الموال شيلات العذب والمشعلي
يجيك ظهران الجنوب اعبر كما لمح البصر
متوجه يم الثويله بعدها اديار(ن؛ خلي
وان جيت في نجران وجه شرق واحشره النمر
واتوجه لخط الوديعه وانتبه لاتغفلي
انو الصيام بشربةٍ من بعدها حبة تمر
ملفاك قرمٍ في الشدايد اشهد انه مجملي
تلقى العلوم الغانمه والبن وادلال صفر
والعود لازرق والكرم واشحوم ضانٍ حيلي
سلمه مرسولي ورد العلم لاجاك الخبر
قله له البيضا ترفرف فوق رجمٍ معتلي
هذا الشجاع اللي بفعله والله انا نفتخر
فعل ينومس كل قحطاني ولاهو يجهلي
سلمان يارمز الشجاعة والوفا وقت الخطر
من ساس جدانه وربعه حاضرٍ والاولي
دعوى امعيضي كل زيزومٍ على العليا حضر
وان جا نهار الشر تقضي الدين ماهي تمهلي
هذا مثال للخوي ياللي تبي علم الظفر
الثار من لاعدا ظفر به واعتزا واتجملي
ماهاب يوم ان القنابل في خويه تنفجر
وقف لها بالصدر وقفات الجبال الزحلي
واسقاهم البارود فوق النار وارصاصٍ حمر
راحوا ضحايا بن سعيد اللي يرد العايلي
قومو معي وقفت شرف واجلال واكبار وقدر
تستاهل التقدير يارمز الفخر تستاهلي
اشهد معي ياحرب ياتاريخ سطرها سطر
يوم الوديعه قال ياسلمان علمك طايلي
منساك واكتب لك وفاء ضحيت والله بالعمر
ياشوق عين الجادل اللي تلبس انواع الحلي
والعاطفي بن رفده الوافي على مر الدهر
له غارةٍ وانا اشهد انك كفو والله يالشلي
قحطان يافخر الوطن في بر ولا في البحر
من عهد حسان بن ثابت في الزمان الجاهلي
واصل شجاعتنا قديمه في الرخا ولا العسر
وفي الكرم حاتم فعوله بالزمان تسجلي
وليانوى الخاين عديم الدين ممسوح الفكر
ببلادنا واحدودنا ناطا عليه ونجهلي
يا شلة التخريب والإرهاب ياساس الغدر
هذا جزاكم والجزاء تستاهلونه عاجلي
تخسون من دون الوطن حراس نومتهم سهر
وارواحهم ترخص بدمٍ ثايرٍ يغلي غلي
جتكم هديه وافهموها دارنا ماهي مصر
ولا مخطط ليبيا والتونسي بن علي
ارض السعودية حباها الله حكام البشر
آل السعود اهل الشجاعة في الزمان الممحلي
في ظل بومتعب رفعنا راية المجد الأغر
عاش الوطن عاش الملك في حفظ رحمان ولي
كم فارسٍ يوم الوديعه راح وامسى في القبر
همه ينال الفوز بالجنه في اعلى منزلي
هذا الشرف ياللي تفاخر بالمناصب والدرر
صوت المنادي يرتفع وامكبرٍ وامهللي
هذا الشهيد اللي على دينه توفى ماغدر
وفى بعهده والشرف له دون داره يقتلي
يارب تجعلهم بجناتك وسط ظل ونهر
في جنة الفردوس منزال الكرامه لاولي
واجبر عزاء من صابه الحزن وتحسر وانقهر
واتصبر اللي دمع عينه فوق خده سايلي
واختامها مني صلاة الله على خير البشر
اعداد ذرات الرمال وعد مالمزن اهملي

أبو راجح القحطاني 1453/9/7هـ. وادي الحيا

ونعم في قحطان كافة
ونعم في ال غراب من آل السري وهم معروفين بالشجاعة والكرم والعلوم الغانمة
ونعم في ال العاطف من قبائل عبيدة
وهم في الفخر اعلام
ونعم فيهم جميعاً
ونسال الله لمن استشهد القبول وان بجعلهم مع شهداء والصديقين وحسن اولائك رفيقاً
انه قويب مجيب
صح لسان الشاعر الحسني ابو راجح
والقصيدة جميلة جداً
وتسلم يمناك اخي ابو منير على النقل والمتابعة

اهلا بك أخ ابوفواز
لقد أنرت متصغحي بحضورك
وعطرت المكان بردك الجميل