أيه أبدوييييه يابنت قحطان

بنت قحطانيه من الرياض تهجمت علينا في قروب ديني كانت شايفه نفسها بقوووووووووه ..
وأنا كتبت موضوع عن البدو فـ شافته وقالت لي يالبدويه بأسلوب إنتقادي ،،
وكلام كثيييير بس ماينقال فـ رديت عليها بهالأبيـــــات :
.
.
أيييييه أبدويه يابنت قحطان
وين العيب لا قلتي عني أبدويه ..
حنا البدو لنا تواريخ عز (ن) تشهد عليها الأزمان
حنا هل الطولات حنا هل الجود والعطيه ..
حنا مضرب مثل فـ الوفا وحنا للكرم عنوان
حنا لامن أنتخى واحد (ن) منا لبوا له كل الحميه ..
كلنا البدو روح (ن) في جسد أنسان
كل واحد (ن) فينا مايفرط في خويه ..
حنا إللي نعطيكم دروس (ن) ف الأحسان
وتتعلمون منا الشرف ياغبيه ..
لاتغرك قصوركم وتطاول البُنيان
تراها مع الزمن تصبح خليه ..
ماضرنا هرج أفلان وأفلان
حنا نعيش بـ قناعه عيشه هنيــــه ..
مافيه بيننا كذاب أو حاقد ولا خوان
يوم انهم بينكم حنا نعيش بقلوب (ن) نقيـه ..
وأكبر شرف لنا إن الله خلانا بدوان
والشرف ما عمره بيوم أصبح خطيه ..
روحي لأبوك يابنت قحطان
وأسأليه منهم أهل الشهامه والعطيــه ..
عساه شعري يملا لك الأعيان
ولا روحي وش ضرك إذا كنت أبدويه .
.
والله هذا شي فعلاً صار معاي وباقي في أبيات بس نسيتها ..
ع العموم أتمنى تع ٓــــــــــــــــــــجبگم .

روحي لأبوك يابنت قحطان
وأسأليه منهم أهل الشهامه والعطيــه ..
عساه شعري يملا لك الأعيان
ولا روحي وش ضرك إذا كنت أبدويه .

صح لسانك وعزالله اعطيتيها درس كافي قصيدة
جميله ومعانيها قويه وعلها تكون لها درس
.......وانا اقول............

اللي يعرض نفسه للهون تنهان
ويلاقى في حياته دروبا رديه

ومن عزنفسه صار للعز عنوان
عايش وكل نفس عنه رضيه

ما شاء الله تبارك الله ابيات جدا رائعة
وكلمات قوية جدا وفي الصميم
انت شاعرة بجد
صح لسانك وبيض الله وجهك
ولك احلى تقييم على الابيات

الجنوبي >> صح أبدنك ومشكوووووور ..
وصح السانك على هالبيتين /-
.
أبو فواز >>
مشكووور ع المرور صح أبدنك .

الخيالة


صح السانك

انشهد انها ابيات في الصميم

لكي مني كل الشكر على الابيات الرائعة

وبقها بادن نخاعها الي عد بها نخاعن

واذا ما بدن زيدي لها بيتين

ههههههههههههههههه


مشكووووووووووووورة على التميز الدائم


اخوك / المراسل

المرأسل ..
هههههههه تسلم أخوي ،،
صح أبدنك .

الخياله السعوديه
ايها البدوية الابيه اللتي لا تقبل ان يداس لها
على طرف لقد اوفيت الرد واذا كانت هي من بحث عن هذا
فهي تستحق فمن ينتقص الناس ويزدريهم يستحق ما يرد به عليه
الا انني ارى ايها البدوية انك قد بالغت في ردك قليلاً
فمن حقك ان تفخري ببداوتك وتذبي عنها بكل ما لديك من بلاغه
وبيان لكن انتي هنا قد انتقصت في شرف قبيلتها ووصمتيهم جميعاً بالكذب
والخيانه . وكان الاجدر بك ان توجهي خطابك لها وحدها دون عشيرتها
انا لا اعلم ماذا قالت ويمكن انها قالت امور كبيره لكن انت يجب
عليك الترفع عن مجارات ناقص الخلق او التفكير في خطأه
هذا ليس توجيه لك الخياله فانت متعلمه وواعيه وفاهمه ان شاء الله .
انما هو نقد لنص فقط بحسب وجهة نظري وما اراه واتمنى ان لا يقع هذا
في نفسك او تأخذيه من منظور آخر ...

شكراً لك الخياله على النص وشكراً لك على حميتك
خالص تحياتي لك ودمت بود وسعاده ...


الحريصي..

الخياله السعوديه
بيض الله وجهك أبيات جميله ورااااائعه إلا أني أوااافق الحريصي في رده السابق
وكنت أتمنى أنك لاتجرحين في قبيلتها فقحطان قبيله غنيه عن التعريف وكل القبائل ونعم بها وكل القبائل فيها الكفايه
رغم وجود أذناب يسيئون لسمعه القبيله ولاكنهم لايمثلونها وهم في كل القبائل ولدينا منهم كثير ولاكنهم لايمثلونا ولا نرضى
ولاترضى كل القبائل بسواقط هؤلاء الأذناب 0 أختي الغاليه خياله هذا تذكير لك فقط
وألا والله غيرتك وأبياتك راااااقت لي كثيرآ آملآ أن تتقبلين نقدي ووجهه نضري المتواضعه
ولك مني كل الود والأحتراااام

أبو منير والحريصي ..
طبعاً أنتقادكم وردودكم بأحطها على العين والراس ..
لإنها تفيدني كثير ولا والله مستحيل أتضايق لإن هذا نقد يهدف لإستفاده
وخالي من التجريح تماماً ،،
لذالك أشكركم على الصراحه
بس حابه أوضح شي يالحريصي :
عفواً أخوي أنا ما أتهمتهم كلهم بالكذب والخيانه
أنا قلت : فيه كذابين وخوانين يعيشون بينهم !*
وصحيح مافبه قبيله تخلو من هالشي بس أنا أستخدمت أسلوب المفاضله
وهو ليس من المحضورات الشعريه وشكرا وبارك الله فيكم ع المرور ..

قصيدهـ جميله
راقت لي كثيراً وأنا لا أرى فيها أي تجريح
فهي مجرد حقائق وُضِّفت في مكانها عَ هيئة قافيه

الخياله السعوديه
أشكركـ عَ أبياتكـ الجميله

تحياتي