قصه وقصيده في البطل رادوي

بسم الله الرحمن الرحيم

يحكى أن :

رداد شاب فارس من فرسان القبيله وفي سنه ((محل)) الله لايبلانا يعني لاعشب ولا ماء مات نص حلال القبيله

شار عليهم رداد بالهجرة لأوربا حيث العشب والماء وووو ... ولكنهم ماطاعوه وقالوا معليش أخو رده رح لحالك

المهم أخو رده راح لأوربا وتحديداً رومانيا وقالوا أنه تزوج وأستقر هناك وبعدها إنقطعت أخباره عن القبيله

إثنين من الشيبان من قبيلة رداد عشاق للزعيم كحال أغلب العقلاء في المملكة وهم يشوفون مبارة للزعيم مع

النصر الموسم قبل الفائت شافوا هاللاعب اللي من رومانيا ((رادوي)) .

ومن يومها وهم في حيره من أمرهم هو؟ ماهو هو! .....

المهم نسوا السالفه ومرت الأيام ودارت الأيام وفي الموسم الفائت ((اللي قبل يومين انتهى)) ((وهو محسوم قبل شهرين))

وهم يتابعون مباراة الزعيم مع الإتحاد .

وفي الدقيقة 84 من المباراة قام ثور الملاعب بالإعتداء على القناص في غفله من ياسر فإذا بأسد الملاعب رادوي

يعلم الثور قدره ويسنعه وبغى يوطى على غاربه لو مامسكوه خوياه وجاه المدرب .

الشيبان بصوت واحد ((هذا رادوي ولد رداد)) . أنتهت القصه


مدخل :

تراني والله ((الشعر في وادي وأنا في وادي)) بس قعدت فاضي اليوم وفاضت قريحتي بهالمعلقة

اللي ماأقول إلا الله يعينكم على هظمها وأقول فيها :



الحر مايرضى لخويه مهانة *** يـرد عـنـه الظـيـم بـكـل قـــوه

فزعت للقناص يومه أهانه *** ثــور الـمـلاعـب قـلـيـل المروه

رادوي يوم إنك هبدته أمانه *** ماشفت جسمه يرتعد تقل قطوه

ماهمتك جمعة تكرن الخيانه *** ولاهمـك اللي فيهم يسوي فتوه

رادوي بن رداد بطل زمانه *** مـهـجـد اللـي مـايـعـرف الأخوه

رادوي بن رداد ...قلي أمانه *** رابـي بـريـاض العـز ولا بقلوه؟






لاعب يرى زميله وصديقه يخرج من الملعب بسيارة إسعاف بإصابة متعمده من خشب

لاعب يرى تعمد من الوكيل المعتمد ((لوسمي)) في جده في قصب اللاعبين

لاعب يرى اثنين من حونشية شوارع مكه يحيطون بزميله ويعتدون عليه بالضرب

رادوي ياجماعه مايقدر يمسك نفسه بعد كل اللي شاف

المهم عاد اسمتعوا بأبيات ماتنهظم الله يعينكم عليها ولكن هي محاولة للوقوف مع لاعب

يثبت يوماً بعد يوم بعد يوم بعد يوم بعد يوم بعد يوم بعد سنه أنه أصيل ومخلص لهذا الكيان




* لا يجي واحد يقول ماكان ينبغي ولابد يضبط نفسه ومدري إيش ياعمي رجال ولد رجال أخو رده








دمتم بود