عفت الهوى يوم أكثر الحب تمثيل..

ماعاد باقي بالعمر كثر ما راح
ولا عاد فيني حيل لمطاول الليل


تعبت أداوي جراح وأستنسخ إجراح
وإهمـوم قلبي مقفيات ٍ مقابيل


خلاص أببعد وأترك الهم وأرتاح
مالي ومالك يالرمـوش المظاليل


لاهوب مغريني شذى عطر فوّاح
ولا سلهمة عين تحيك المحابيل


لا خصر يعني شي لا قـّد فضـّاح
إليا تمايل روس خلق الله تميل


يا وجـه ربي صارن إبعيني أشباح
بيض العذارى لابسات الخلاخيل


ما راح راح وباقي شي ما راح
ذكرى عليها القلب جـّر المواويل


فإن طحت ماني باول إنسان قد طاح
قـِد طـاح قبلي بالمحبة رياجيل


عشت الهوى يوم أكثر العشق ذبّاح
وعفت الهوى يوم اكثر الحب تمثيل

تميم ,السوسن ,السفيره ,ايلاف ,ام هتان معجبون بهذا

ياجمال الأبيات
سلمت ع النقل وسلم راعيها

🌺🌸🌺🌸🌺🌸🌺🌸

صح لسان شاعرها وسلمت يمين ناقلها
شكرا لك على جمـال الاختيار
لا حرمنا ربي من إبداعك المُستمر
و الله يعطيكِ العافيه ي رب

🌸🌺🌸🌺🌸🌺🌸🌺 ،،

ي روعتها

صح لسان الشاعر وسلم بنان الناقل
كل الشكر

كلمات جميلة وانتقاء مميز
كل الشكر والتقدير

ابيات غزيره بالوصف والمعنى الصريح
اجدت الاختيار والنقل نادرنا الف الف يسلموو

كل الشكر لك على مروركم