قصيدة الشخ عبدالله بن سعد بن هادي ردا على قصيدة سعد بن مظيمة

قصيدة الشخ عبدالله بن سعد بن هادي ردا على قصيدة سعد بن مظيمة

هاذه القصيدة للشاعر الكبير عبدالله بن سعد بن هادي ( مقرع الحق في قبايل عبيده )

ردا على القصيدة التي أرسلها له الشاعر الشيخ سعد بن محمد بن مظيمة العبيدي .

__________________________________________________ _



يا الله يا عالم خفى كل حالي


جزل العطى مبري الجسوم العليله


يا رب ترحمني وتسمع مقالي


يا واحد (ن) يسمع لمن يشتكي له


أطلبك عفوك يا عزيز الجلالي


ياللي من الضيقات ينجي دخيله


واغفر ذنوبي يوم بسكن لحالي


في وسط قبر (ن) والاقامه طويله


ما عاد لي ربع (ن) ولا لي عيالي


ولا صديق (ن) في الورى بشتكي له


غير انت يا من له جميع الكمالي


يا منفذ (ن) حكمه على ما يجي له


لو كان ذنبي راجح (ن) بالجبالي


عفوك عظيم (ن) ليس ذنبي عديله


سر يا قلم واكتب بيوت (ن) غوالي


رد (ن) على شيخ (ن) كتب لي رسيله


يا من بريدي من قروم الرجالي


أركب على مهر (ن) يقطف صهيله


ملفاك ابو حسين (ن) كريم السبالي


يا مكرم الضيفان راعي الجميله


يثني تراحيبه ويدني الدلالي


وهرج (ن) عريب (ن) ما ندور بديله


أبو حسين (ن) شوق راخي الدلالي


شوق الهنوف اللي تنقض جديله


رجل (ن) عروف (ن) ليس يغوى المقالي


عند المعاني ليس يغوى دليله


سعد الطروش أهل المطايا الهزالي


لما عنو له عقب طرق (ن) طويله


يلقون ترحيب (ن) وهرج (ن) عسالي


بيت الكرم لا بد يكرم نزيله


سلم عليه أعداد نشو الخيالي


عدة مخال (ن) يوم ينشي هميله


جاني جوابك يا عريب الخوالي


قمت أتسلى بالبيوت الجميله


أحلى من السكر ودر الغوالي


سوالف (ن) تغنيك بين القبيله


يا من تعلم علم نافع وعالي


يا من غدى قدوه لعصره وجيله


نطلب لك التوفيق من ذا الجلالي


يا واحد (ن) كل الملا ترتجي له


تمت بذكر الله على كل حالي


رب السما ما خاب من يدعي له


وصلوا على المبعوث راعي الكمالي


نبينا المعصوم من كل ميله


كتبه :- ( مفرح بن قطمان رفيع التليدي )

قصايد رائعة وإختياراتك موفقه أخي أبوسليمان.

أمتعتنا بارك الله فيك.

أخي أبا فيصل


شرفني مرورك واسعدني تواجدك وأبهجتني مشاركتك


بارك الله فيك . ووفقك لكل خير

قصيدة جميلة جدااااا

سلمت اناملك على هالقصيدة الشيقة

شكرا لك من اعماق القلب

عمييييق ودي وتقديري.

الهووووووووووووووووووووى.com

بارك الله فيك ...أخي/أبو سليمان

ذوق مميز....وأبيات رائعه

بوركت يالغالي

تحياتي

أخي الهوى الغايب


شرفني مرورك وسعدت بتواجدك


وفقك الله وأسعدك بطاعته

أخي تليدي


شرفني مرورك وسعدت بمشاركتك


وفقك الله وأسعدك بطاعته