قصة من الماضي

السلام عليكم ورحمة الله وبركاته

هذة قصة مذكر الحليوي اطال الله في عمرة

والامير سليمان السديري رحمة الله علية رحمة واسعة

كان وقتها امير منطقة تبوك الله يرحمه ومذكر الحليوي من

الاخويا القريبين للسديري وتربطه بة علاقة قوية وفي يوم من الايام عزم الامير اخوياة

على العشاء خارج منطقة تبوك وتجمعو الخويا كلهم الامذكر الحليوي

جاه نسيباً لة اسمه ابن سمران الله يرحمة وقال خاوني للعشاء عند الامير

ولاحض ان الوضع ماجاز لاابن سمران قال اجل نبي نتعشى في البيت

المهم الامير قال وين الحليوي ما جا عسى ماشر قال احد اخوياهم اللي يمون على

الاميرياطويل العمر الحليوي زعلان قال السديري وش مزعلة قال ابطى عن ديرتة

وشان خاطرة قالها يمزح والامير صدق الكلام والامير سليمان ابن تركي السديري

شاعر من ابرز الشعراء ودايم يصير بينه وبين الحليوي قصايد ومحاورات

المهم يوم رجع كتب ها الابيات وعطاها الحليوي


قال السديري

ردى بخت كانك تسمعت للناس = اهل السوالف فاالقفا والنمامه

قضابة اعراض الاجاويد بلاس = اللي يحطون الجرادة نعامة

يجيب لك هرجٍ تصانيف وجناس = لو انه افرغ من بطين الحمامه

من شان ذاكنيت جرحٍ على ساس = ماتلحقة ياابن الحليوي ملامه


رد مذكر الحليوي


القلب دقة ياسليمان هوجاس = وقافٍ سمعته منك هيض غرامه

من كثر مواج البحر شيب الراس = ولو طبه السباح تنفد عضامه

لقيت ثلث من المخاليق هلاس = لو قلت ابسلم منه مامن سلامه

للخير ما يقدر وللشر جساس = عسى ولي العرش يامر عدامه

لكن من يمشي على الحق بقياس = يرفع مقامه للشرف والشهامه


تقبلو تحيات

منقووووول

وافي يابو مسلم وسوالفك طيبه دمت ودام تميزك ياالغالي

أخي أبا شلهوب


أسعدني حضورك وتواجدك ومشاركتك أنار الله قلبك بطاعته

أخي جنوبي

أنت الأوفى والأغلى والأكمل

شرفني حضورك ومشاركتك أسعد الله قلبك