الزوجه المقرشه الغنيه

* * راح ادخل بموضوع نقاش واتمنى محد يخنفر من كلمة الحق بالنهايه الحين اكثر المتزوجين يا اما زوجاتهم موظفات يستلمون رواتب او عندهم بزنس يعني كل بنت اكيد بتعرف كيف تكسب الرزق بالحلال سواء بتسويق او وظايف عاديه او آسر منتجه او غيره المهم يعني ان البنت تتعب ويجيها مصروف بالنهايه فلوس وتعب جبينها الحين احنا بزمن صاروا بعض احنا قلنا بعض لحد يشدها (بعض ) الرجال ياخذون فلوس من حريمهم حتى لو راتبهم قليل ياخذون كيف ياخذون يعني مصروف البيت مصروف اللبس هي الي تتكفل فيه بالنهايه اخونا فالله حافظ فلوسه ما يصرف كثر ما تصرف اهي بعض البنات يصرفون ليش ؟ اولا من طيب نفس وبعض الازواج للامانه يرجعون لحريمهم المبلغ الي صرفوه لانهم متعاونين وبعضهم لا ما فكروا بس لهفيشن وبعض البنات ضعوف كلمه توديهم وكلمه تجيبهم يعني هذا تعبها وعرق جبينها تجي تاخذ منها مبلغ وقدره لسياره لطياره يعني توصيها تاخذ قرض وبالنهايه يروح سياره وغيره ويحصل بينهم مشكله ما ترجع حقها !؟ بعض البنات يصرفون ويشترون ملابس لاطفالهم من مصروفهم مع علمهم انه هذا الشي يقع على عاتق الاب لانهم يقولون (لا عيالي عادي بجيب لهم الي يبون ) (فلوسي فلوس عيالي تقول >>>وهي مسكينه تدري ان النفقه على ابو سروال وفنينه الشي الثاني بعضهم يحطون فلوس بالبيت من طيب نفس ورضا وبعض الرجال الاوفياء يحسبون حساب الي صرفته ويرجعونه من باب احترام وتقدير حتى لو كان بنفس هذا حقك وبعضهم والله يرجعون مبلغ الي اشتروا فيه مثلا ملابس الاطفال يرجعون مبلغ القرض وبعضهم لا ما يحسب ان الزوجه تاخذ حمل من البيت واساس النفقه على الرجل ؟ يعني انت ما تزوجت الا وانت عارف ان النفقه عليك الاكل الشرب البيت الملبس على الرجل الا ان انفقت الزوجه من طيب نفس واتفاق فهذا شي ثاني بشرط اي مبلغ يتم اخذه يرجع لها ك دين الا ان سامحته الحين السوال الاهم ليش بعض الرجال ياخذون من حريمهم فلوس وهم عندهم فلوس يعني ما راح يتزوج الواحد وهو عاطل. اكيد راح تقدم للناس وهو عنده راتب وبيت وغيره مافي انثى بتوافق يعني على عاطل باطل ليش بعضهم اذا اخذ من زوجته مبلغ وقدره حتى لو ريال مفروض يرجع لها حتى لو قالت الزوجه لا ترجعها وعندها راتب انا اشوف انه مفروض يرجع لها لان هذا حقها ][/]

الموضوع بقلمي ما يحتاج سفيرتنا اعرف باسلوبي
هههههههههههههههههههه

ههه
ههههه
صحيح كلامك لكن ياخذون فلوس من مين؟
من الزوجه التي تحبهم او مجبوره عليهم بدافع اجتماعي لابقبل النقاش "
مسانده ك زوجه لزوجها هههههه
اغلب اللي كذا أو الجميع يكون الأمر بينهم
باتفاق
الزوج يتدحلس ويستغل حب زوجته له
او كلام المجتمع فتضطر لصالحها انها تبني البيت وتسدد عنه مستحيل يكون إلا هذا "
لأنها عايشه معه وكلام الناس عليه هو عليها
هههههه
طبعا بعض الحالات النادره ان البنت يكون
مايهمها فقر الزوج لأسباب "
عاد ماعليها ترفض وفي ستين داهيه
وانا متأكد ان اللي تعطي زوجها وتسانده
لو كبروا عيالها وهو انسجن في دين راح ترفض تعطيه لأن علاقة الروح والوجه الواحد
انتهت بانتهاء المصلحه = الأطفال

مجرد رأي قد يكون خطأ بل اعتقد انه غلط

لكن ك مشاركه "

شكرا لك اختي

الموضوع بقلمي ما يحتاج سفيرتنا اعرف باسلوبي
هههههههههههههههههههه

ولو وهل يخفى القمر اعرفك متميزه لدينا..
ولك أجمل ختم حصري وإضافة
300م و200ت
...
قبل الرد 👏🌹

اهلا روند
شوفي ي روند بكل صراحه
الرجل مايبغا المرأه تختزن في جيبها( فلوس)
بصريح العباره تحسي الرجل حتى لو معه لازم
يسألها جا راتبك كم عندك كم صرفتي
من خلال تجارب هالكلام
ولمن مايكون عندها شي احسه مرتاح نفسيا هههع
مادري ايش اللي يدور بباله إن كان عندها فلوس..

ومثل ماقلتي استحاله واحده تتزوج احد عاطل لأن
هذا زمن الماديات .. الماديه صارت كل شي
يعني لو تقولين لوحده تتزوجين واحد بخيل
ماديا أو عاطفيا راح تختار بخيل العاطفه.
اهم شي يصرف وعنده دخل .. ايش بينفعها
كريم العاطفه هههع دام فيه بيت وعيال
ومصاريف..
الحياه ماتنفع الا بالماده ولا حد يكذب ع نفسه!
...
الشي الآخر ممكن بعض الرجال يكون عندهم
ضيقه ماليه هنا واجب الزوجه الاصليه
الوقوف بجوار زوجها وتعطيه حتى لو
كل ماعندها أو راتبها كامل
ومن واجبه هو تقدير هذه الوقفه
وفي حال الانفراج من الضائقه يرجع
لها كل حقوقها..
..

البعض يماطل البعض يقول عادي زوجتي
البعض يقول ايش تبغا بالفلوس
مع ان المرأه لمن يكون عندها راتب ودخل
هي اللي تصرف من غير ماحد يكلمها
وهو واجب الرجل الإنفاق عليها حتى لو عندها

...
روند فيه مثال عندي واحده من زميلاتي معلمه
حكتني بنفسها هذه القصه
قالها زوجها نشتري بيت ملك ونعمره وناثثه
ونتساعد ع تكاليف الحياه
قالت له طيب وباعت ذهبها كمان عشان يخلصوا سريع
واشتروا البيت واثثوا وياغافلين لكم الله
كل شي تمام وفلوسها معه والذهب معه
وكل ماتملك
راح الاخ تزوج عليها بالسر
وبعدين تكتشف انه تزوج
والله تقلي جاتني صدمه لعدم الوفاء منه وكذبه
عليا..وأخذ كل ماملك لكن باقيه ع ذمته..

يعني اخذ تعبها عشان يسعد نفسه
بلا أدنى مشاعر لطرف الآخر..


وفيه امثله كثير

طرح روعه روند
يعطيك العافيه
ودام حضورك ومدادك
لاعدم
...

ههه
ههههه
صحيح كلامك لكن ياخذون فلوس من مين؟
من الزوجه التي تحبهم او مجبوره عليهم بدافع اجتماعي لابقبل النقاش "
مسانده ك زوجه لزوجها هههههه
اغلب اللي كذا أو الجميع يكون الأمر بينهم
باتفاق

حتى لو فيه اتفاق وبينهم ورعان على قولتك
هذا حقها سواء كانت موظفه والا عندها مصدر رزق
لو رجعنا الجد يعني مفروض يرجع فلوسها
حتى هو موظف ويستلم والنفقه واجبه عليه ماهي واجبه عليها
لان ما اعتقد فيه زوج يرضى
يسمعون الي حوله ان زوجته هي الي تصرف ! صح والا
عيب


انا اتكلم عن الرجال الي عنده راتب وظيفه حكوميه
ويستلم مبلغ وقدره
وكمان ياخذ من زوجته سواء كان بنفس او بدون نفس
هذا حقها



سعدت بمرورك الفارس شكرا لك

المشاركة الأصلية كتبت بواسطة السفيره

اهلا روند
شوفي ي روند بكل صراحه
الرجل مايبغا المرأه تختزن في جيبها( فلوس)
بصريح العباره تحسي الرجل حتى لو معه لازم
يسألها جا راتبك كم عندك كم صرفتي
من خلال تجارب هالكلام
ولمن مايكون عندها شي احسه مرتاح نفسيا هههع
مادري ايش اللي يدور بباله إن كان عندها فلوس..

ومثل ماقلتي استحاله واحده تتزوج احد عاطل لأن
هذا زمن الماديات .. الماديه صارت كل شي
يعني لو تقولين لوحده تتزوجين واحد بخيل
ماديا أو عاطفيا راح تختار بخيل العاطفه.
اهم شي يصرف وعنده دخل .. ايش بينفعها
كريم العاطفه هههع دام فيه بيت وعيال
ومصاريف..
الحياه ماتنفع الا بالماده ولا حد يكذب ع نفسه!
...
الشي الآخر ممكن بعض الرجال يكون عندهم
ضيقه ماليه هنا واجب الزوجه الاصليه
الوقوف بجوار زوجها وتعطيه حتى لو
كل ماعندها أو راتبها كامل
ومن واجبه هو تقدير هذه الوقفه
وفي حال الانفراج من الضائقه يرجع
لها كل حقوقها..
..

البعض يماطل البعض يقول عادي زوجتي
البعض يقول ايش تبغا بالفلوس
مع ان المرأه لمن يكون عندها راتب ودخل
هي اللي تصرف من غير ماحد يكلمها
وهو واجب الرجل الإنفاق عليها حتى لو عندها

...
روند فيه مثال عندي واحده من زميلاتي معلمه
حكتني بنفسها هذه القصه
قالها زوجها نشتري بيت ملك ونعمره وناثثه
ونتساعد ع تكاليف الحياه
قالت له طيب وباعت ذهبها كمان عشان يخلصوا سريع
واشتروا البيت واثثوا وياغافلين لكم الله
كل شي تمام وفلوسها معه والذهب معه
وكل ماتملك
راح الاخ تزوج عليها بالسر
وبعدين تكتشف انه تزوج
والله تقلي جاتني صدمه لعدم الوفاء منه وكذبه
عليا..وأخذ كل ماملك لكن باقيه ع ذمته..

يعني اخذ تعبها عشان يسعد نفسه
بلا أدنى مشاعر لطرف الآخر..


وفيه امثله كثير

طرح روعه روند
يعطيك العافيه
ودام حضورك ومدادك
لاعدم
...

شفتي بالله كيف
الحرمه بطبيعتها وفيه لانها صافيه من داخل
والرجال بعضهم ما يملى عينهم الا تراب

شفتي كيف بالاخير وش سوا بها هي قالت به هه
وما تدري وش تسوي بهذا الزوج
كانت تظن وخاب ظنها


والله يا ام فيصل تري حتى الي منتف ماعنده راتب ما ينظمن
تخيلي حتى لو راتبه الفين وياخذ منها بطيبها
وهو في داخله يتزوج بيتزوج حتى لو معه ريالين
بالاخير راح يفتح بيت ثاني
لا وازيدك مافيه لا عدل ولا انصاف
يفتحون 4 بيوت وما يعدلون واكثرهم في نار جهنم



بعضهم ما يبغون حريمهم يجمعون او يكون عندهم فلوس
يمكن بعضهم حاله نفسيه ما يبغون حريمهم يكون معهم فلوس اكثر

مع اني اشوف ماله دخل جمعت الف الفين مليون
مال لامه دخل وش دخلك

بالنهايه ضعيفة الله تلاقيها تجمع عشان تساعدك
يا ماكر


والله يا ام فيصل واحده من صديقاتي موظفه حكوميه
وزوجها راتبه
حارس امن
تقول تساعد بالمصروف والخ عشان الاوضاع
وماشاء الله بيتهم احسن بيت ايجار
وسياره اخر موديل
ومرتاحين
سالتها المبلغ الي تصرفينه مثلا هل يرجعه لك

قالت والله العظيم بمجرد ينزل راتبه ما يجي حتى 3000
يحول لها من راتبه عالاقل 1000 ريال

واكتشفت انه قاعد يسجل ويحسب مصاريفها في ملاحضاته
بدون يدري
تقول انه قاعد يحاول يتوظف وظيفه عسكريه عشان
يستلم راتب حكومي ويقدر يصرف ويرجع لها
مع انها مافكرت
وكل هذا

عشان يرجع لها فلوسها


تري بعضهم رجال بمعنى الكلمه
يقدرون العشره ويقدرون زوجاتهم



سعيده بمرورك ام فيصل لا خلا ولا عدم

المشاركة الأصلية كتبت بواسطة روند

حتى لو فيه اتفاق وبينهم ورعان على قولتك
هذا حقها سواء كانت موظفه والا عندها مصدر رزق
لو رجعنا الجد يعني مفروض يرجع فلوسها
حتى هو موظف ويستلم والنفقه واجبه عليه ماهي واجبه عليها
لان ما اعتقد فيه زوج يرضى
يسمعون الي حوله ان زوجته هي الي تصرف ! صح والا
عيب


انا اتكلم عن الرجال الي عنده راتب وظيفه حكوميه
ويستلم مبلغ وقدره
وكمان ياخذ من زوجته سواء كان بنفس او بدون نفس
هذا حقها



سعدت بمرورك الفارس شكرا لك

انا مااقصد التحليل
المال حقها والواجب عليه هو الانفاق
لكن اقصد سهولة الأمر في الوصول للمال "
اشرح الحال الحاصل

وهو في داخله يتزوج بيتزوج حتى لو معه ريالين
بالاخير راح يفتح بيت ثاني
لا وازيدك مافيه لا عدل ولا انصاف

صحيح اللي له نيه أو مجرد تبيت هالنينه بيتزوج
وخليه يتزوج الأمر يرجع إليه ...

لكن يكذب عليها ويبيع اللي قدامها ووراها..
ويجردها من كل فلس؟
هذه هي الحسره بعينها والغبن
وهذا هو الزوج اللي ماله امان ونذل..
...
يقلها عادي انه بيتزوج الشرع حلل اربع
وخذ من فلوسك وتزوج مو من فلوسها وخداعها؟!
...
..

قالت والله العظيم بمجرد ينزل راتبه ما يجي حتى 3000
يحول لها من راتبه عالاقل 1000 ريال

واكتشفت انه قاعد يسجل ويحسب مصاريفها في ملاحضاته
بدون يدري
تقول انه قاعد يحاول يتوظف وظيفه عسكريه عشان
يستلم راتب حكومي ويقدر يصرف ويرجع لها
مع انها مافكرت
وكل هذا

عشان يرجع لها فلوسها

هذولا الأزواج اللي ينحطون تاج ع الراس
ولا عمرك تتحسفي انك بيوم وقفتي معه
هذا هو السند والظهر لها بعد الله ثم الاهل..
...


.

ياحبك للتخريب ياروند وتفتيح العيون 🤭😂
طيب المثل يقول هي ومالها لزوجها من باب كلهم واحد 😬
عموما الكتعارف عليه والمفروض والمعلوم شرعا وعرفا ان الرجال هو الي عليه النفقه والصرفيه ع اولاده وبيته وهو الي مسؤول ومحاسب امام الشرع والناس
ثانيا مثل ماقلتي ان مال الزوجه لها وان اعطت وصرفت فمن حبها وتعاونها مع زوجها واولادها لكن بشرط مايكون شي مفروض عليها فرض
وبرضو ع المرأه انها تقدر ان زوجها واولادها يستحقون عاد مو حق فقط لاعلانات المشاهير والمواقع الالكترونيه
طبعا من اخذ من زوجته شي ع طلب منه لابد يرجعه اصلا قلة شيمه وقيمه تجرح الرجال الي يعيش ع راتب ومصروف من زوجته
صراحه ان اكثر المشاكل تخصل بين الزوجين الموظفين كله بسبب راتبها لكن اذا قد الزوجه ماعندها راتب فالرجال يرتاح وييقن بالحق ويرضخ للمسؤليه الي مفروضه عليه
طبعا ماننكر في امثله يحتذى بها في تعاون الزوجين وتقسيم دخلهم بالشكل الصح والمطلوب الي يعود عليهم و ع ابنائهم بالفايده طبعا بتفاهم وتضحيه وادراك ومفهوميه مو بصرف وبذخ وشغل هجانه
ف الاخير ع ماسمعت في قانون الله يعجل به يفرض ع الموظفه نفقه ع البيت والاولاد بشكل رسمي يعني زي نظام برا ههههه

طرح جميل ومثير روند عساك ع القوه وفعل الخير ههههه

من وجهة نظري ان الزوجة المقرشة
مافي داعي تنتظر شي من زوجها
وهو مايحاول يستغلها اذا كان موظف
وراتبه عالي ..
مع العلم النفقة عليه حتى وان كانت مليارديره ..!

ولوكان راتبه يسير او عاطل وهي موظفه
وبينهم عيال + ود وتفاهم ومحبة
فما فيها شي لو شاركت في مصاريف
البيت او قضت احتياجات اطفالها ونفسها
من راتبها وعن رضى واقتناع ..
لمن ربنا ييسرله بوظيفة
بس ماترفع خشمها عليه وتشوف نفسها
وتجلس تحقره عالطالعة والنازلة

وكل زوجة تفهم زوجها
اذا هو استغلالي ومستلطخ وطماااع
تحاسبه على كل قرش تصرفه..!
ويدفع مصاريف بيته وعياله بالاجبار ..

هي ليست مسؤلة عن كل ذلك ..!)

شكرا روند لمواضيعك الحصرية

دمتِ

شرعا .. ليس عليها الانفاق على المنزل او اطفالها
اجتماعيا .. هي تعمل وتكسب لهدف معين بالتأكيد ، وكل ربة منزل تحب ان تزين منزلها وتجعله مملكة فخمة وتحب ان يكون اطفالها الاجمل ويتمتعون بالاناقة واالترفيه
فمنطقيا عليها ان تستفيد مما كسبت لترفيه عائلتها
الا اذا كان لها هدف من توفير النقود لغاية معينة
يبقى شيء واحد ..
من الحق الزوج ان يمنعها من الخروج للعمل (اذا كان فيه خروج) اما اذا كان العمل من البيت ولا يؤثر على واجباتها المنزلية فلن يمانع
وكل شيء يأتي بالتفاهم والاتفاق