ان كنت تنشد يا رفيقي عن الحال

ان كنت تنشد يا رفيقي عن الحال....
مالي على كتمانها عنك حيلة.........

الصبر عن بوح الاحاسيس قتال....
والبوح في بعض المواقف فشيلة...

لو كل ما يطري على البال ينقال.....
ما كان شفت ان الثقيلة ثقيلة....

أبطيت اكافح ضيقة البال بالبال...
وادفع بلى هاجوسها كل ليلة....

لين اقبلت مثل السحابة بهمال...
تشفي غليل اللي تزايد غليله....

طاحت ولو أفقمن حناياك منزال...
وبطلبك يا بدر تكمي المخيلة......

ان قيل ترعد .. قلهم صوت زلزال..
وان قيل تبرق .. شفلها ادنات حيلة..

مابي تناقلها هل القيل والقال.....
وتصير من بعد القصيرة طويلة..

يا بدر ماني عال لو صحتي عال...
شفني من الصدمات نفسي عليلة...

اشيل حمل لو يشيلنه جبال....
الله وامانه غير تصبح نثيلة..!

ارمي من هموم الزمن واسحب ادبال..
وانزل على الجوكر وغيري يشيله...

من كثر ما شفت بحياتي من انذال...
بديت اشك ان النذالة فضيله..

ما طاح من عيني رجل طاحوا رجال..
ورجال يابن حنيف ماهي قليله...

أقرب من اللي قالهم ضمن ما قال...
راكان بن حثلين راعي الجزيلة...

هذا ولد عم .. وهذا ولد خال..
وهذا رفيق ما لقينا بديله...

سبحان منهو يا بدر غير الحال..
وحط الجفا بين الخليل.. وخليله..

هذا الزمن يبغاله لسان دلال..
من يستحي هالوقت وااااااعزتي له..

وقت به الراعي غدى راعي دلال..
كل على طاريه ينفض شليله..

ومن كان ساسه للردى مضرب امثال..
اليوم ..يحسب من كبار القبيلة..!!

المال يابن حنيف ملعون ابو المال..
ذل العزيز وعز ناس ذليله....

صح لسانك اخي أبو عامر

وصح لسان قايلها قصيده

في قمه الرووعه تسلم

ويسلم لنا حضورك الجميل

صح لسانك وقايل والله قصيدة معبرة وجميلة

قصيدة جميلة 0


تسلم 0

بس ما قلت لنا منهو الشاعر 0

مميز والمميز لا يجيد سوى لغة التميز

الف الف شكر على ما نقلته لنا من جمال الكلمة وجزالة المعنى

فالك الطيب

ابو عامر
تسلم الانامل الرقيقة والذوق الرفيع

شكرا لك كل الشكر

تقبل مروري

ابو عامر صح لسانك مبدع

يعطيك العافيه

قصيدة جميلة وإختار موفق يعطيك العافية .

قصيده جميله صح لسانك وصح لسان قايلها
سلمت يمناك اخوي ابوعامر وسلم حضورك الجميل
تقبل تحياتي

الفتى الذهبي
نويب
المستشار
ابوفواز
اميره
الليل الضرير
الهاوي
أخـ!أنا!ـوك
شكرا لكم جميعا على المرور الرائع

وتحياتي للجميع..

ودمتم في حفظ الرحمن...