اليل خبرني عن امر الدغابيس

ياليل خبرني عن امر الدغابيس
هي من دقيق البر ولا استرالي


لجعت وعروق الضماير ميابيس
اموت واحيا لحظروها قبالي


تشد معها كل قلبٍ واحاسيس
والمر يصبح يااصبح الوجهه حالي


لاخذت لي منها لقامٍ مدابيس
في مجلسي كني وحيدٍ لحالي


والله ما اغبط من سكن وسط باريس
كنه وما يملك حلالي ومالي


لو سكروا من دونها بالمتاريس
نقدم على الموت الحمر ما نبالي


لوا عذابي لاقضى باقي الكيس
قعدت اصفق باليمين الشمالي


وشلون ابسلى عن كثير الهواجيس
والبيت من باقي الدغابيس خالي

ندى ,هدوء المساء ,ايلاف معجبون بهذا

.
صح السان قائلها وسلم يمين ناقلها
كل الشكر على ماقدمت
والله يعطيك العافية ي رب
على اختياراتك القيمة والمميزة
اللي تقدمها لنا وللمنتدى
دمت وادام الله حضورك ،،

انسان نادر معجب بهذا

أبيات طريفة.. يعطيك العافية..
ودي وتقديري

انسان نادر معجب بهذا

مبدع جدا الي حول كلمات اغنية المعاناة
لمدح الدغابيس 👏🏻👏🏻👏🏻👏🏻👏🏻

تستاهل الدغبوسات هذه الابيات الجميلة
ياحظ من اكلها وتذوق طعمها مع اللحم والمرق


الله يعطيك العافية اخي النادر
مبدع في الاختيار ..

هدوء المساء ,انسان نادر معجبون بهذا

كل الورود لكم على مروركم العطر والجميل