مختارات شعرية

مختارات شعرية






كثر ما حنّ قلبي للونيس وكثر ما درهمت = فجر صدري حنيني واتعب الاقدام درهامي
عيون الصد ّ وعيون التجافي حول مهما أكرمت= تشوف المجتهد كسلان والبناي هدامي
مصيبة لا تدنّت قيمتك في عين من قيّمت= يشوفك بالسهل وانته تشوفه بالسما السامي

سعد بن جدلان


تخوّفني مشاوير الطريق المظلم المهجور= وأنا لا من ذكرتك قلت طولي يا مشاويري
عزاي إنك رجاي العذب لو كل الدروب عثور= وصلت أو ما وصلت أعرفك ما انته منتظر غيري
حبيبي وكل الله لا تحسبني بليد شعور= لو أنت المستحيل الصعب ما أبدي لك معاذيري

مساعد الرشيدي


يا كثر شرهاتي عليك انت بالذات =والا على غيرك تراها قليلة
تعبت اجي بسكات واروح بسكات= ساكت وأنا متني حمولة ثقيلة
جيتك اشيل من التعب كثر ما فات= طرقي وهدت سود الأيام حيلة

ثامر شبيب


جيت اعشم بردها بالصيف لكن= الفصول الاربعة برد ورتابة
اه لا صار الغلا بالجرح ساكن= والخناجر كلها ربع وقرابة
ما يطيب الحال دام الحب ما كن= من عروق ومن فياض ومن سحابة

محمد الحويماني

مختارات رائعه


سلمت على هذا الطرح الرائع



دمت بخير




تقبل مروري



برووووووووووووووووووووووق

بروق يعطيك العافية

مرورك الرائع الف شكر

تحياتي وتقديري