وجه السنين

ان كنت مخــطي عـــــيب نفسي خطايه =وان كنت صايب صبت يوم اني اخطيت
لكن ما أرضى يطعنون بقفايه = قولوا بوجهي واتركوني الى قفيت
ما جيتهم وانا عليه وصايه =انا على اللي ما درا عني اوصيت
شربت من بحرٍ بليا نهايه =وعلى ضفافه للمحبين ناديت
واسقــيت لــي نــاسٍ ضماهم ضمايه= متى شربت الماء وعنهم تخليت
قاسمتهم زادي وماي وهوايه =ووقفت معهم لين قالوا لي اوفيت
تشهد علي ارضي ويشهد سمايه =يوم الوفا منهم عيونه مخافيت
ان رحت عنهم قدّمتني خطايه= وان جيت معهم عن خطاهم تغاضيت
وقفت في وجه السنين بعصايه =حتى الجمت عني حلوق الشماميت
ما جيت ادور من وراهم جزايه= لو جيت شــافــوني عــليهم تجنيت
ولا جيت لدّنيا بثوب الدعاية =يكفيني اللــي لابــسه عــندما جـــــيت
بديت يوم ان العطا له بداية =وانهيت مشوار العطا يوم ما عطيت
ولو جتني الدنيا عليها عباية =تمشي دلع عن حسنها ما تقصّيت
عرفتها مثلي وراها نهاية =ولو تفتل ذراعي عليها تعاليت
ما شفتها اكثر من وسيلة لغاية =مثل العصا ياللي عليها توكيت
اوجزت واللي قلت فيه الكفاية =ما ابغى الجزا فله ولا ابغى الجزا بيت

للشاعر/ سعود بن حباب

اوجزت واللـي قلـت فيـه الكفايـة ما ابغى الجزا فله ولا ابغى الجزا بيت

كلمات في قمة الروعه والجمال ،،

ابو عامر لديك ذائقة رآآئعة أهنيك عليها ،،
دمت بهذا الابداع والتميز والذوق الراقي ،،
فائق تقديري واحترامي ،،

أبو شموخ

ابو عامر

أبو عامر يسلمووو على هل القصيده الحلوه
صح لسانك ولسان الشاعر

تحياتـــــــــــــــــــــــــي

بيض الله وجهك يا ابو عامر
عالنقل الرائع والجميل
لاهنت نفداك
وصح لسان الشاعر

ابو شموخ

ابو رنا

جريح الصمت

ابونجود

شكرا لكم جميعا على ردودكم الرائعة

تحياتي وودي