مرثية الامير خالد الفيصل في والده الملك فيصل رحمه الله

قصيدة لا هنت يا راس الرجاجيل - الاميرخالد الفيصل

لا هنت ياراس الرجاجيل لا هنت
ولا هان راس في ثرى العود مدفون

والله ما احطك بالقبر لكن آمنت
باللي جعل دفن المسلمين مسنون

منزلك ياعز الشرف لو تمكنت
فوق النجوم اللي تعلن على الكون

سكنت دار المجد يا شيخ واسكنت
شعبك معك وقلوب ناس يحبون

صنت الامانة حافظ ما تهاونت
وعلمتهم وشلون الاشراف يوفون

كم ظالم عاداك واعفيت واحسنت
واخلفت ظن جموع ناس يظنون

بازهد والمعروف والصير كونت
منهاج فيصل المنهج اللي يعرفون.....

تلفتت روس المخاليق وين أنت ؟
وين العظيم و عود الشوف مطعون

كم خافق وقف عقب ما تكفنت
و كم ناظر ذوب سواداه محزون

لو شفت حال الناس عقبك تبينت
مقدار حب الناس للي يودون

مما بقلبي قلت يابوي لا هنت
و إلا انت فوق القول مهما يقولون

بارك الله فيك نقل موفق والأمير شاعر مايحتاج
اشكرك اخوي الكريم على هذا المواضيع التي
ترفع الراس وتعكس ثقافة صاحبها لاهنت

مرثيه رائعه
رحم الله المقصود
وصح لسان الشاعر
وبارك في ناقل الابيات

مميز أخوي
كل الشكر

بارك الله فيك أخي مفرح التليدي

و صح لسان الشاعر الأمير خالد

و غفر الله للملك الفيصل و أسكنه فسيح جنااااااااااانه

أكرر شكري لك أخي الكريم

على هذا الإختيار الرآئع

خالد الفيصل شاعر كبير

والفيصل رحمه الله سيرته مرصعة بالأمجاد والعزة


فرحم وغفر للفيصل رب العزة


تحياتي لك أخي / مفرح

مرثيه لشاعر كبير وهي في فقيد تعضم الكلمات في رثائه
بارك الله فيك أخ مفرح