تبي الصراحه خذها من قلـب هاويـك

اذوب مثل الشمـع وروحـي تناجيـك

تقول سامحنـي وانـا كلـي وضـوح



قـرب ابـوس الخـد ومعهـا ايديـك

واستسمحك عن كل غلطة ولـو بـوح


قرب وحط اذنـك علـى قلـب مغليـك

وده يسولف لك مـن الـروح للـروح


وده يطفي شمـوع فرحـه ويضويـك

يرقص لـك بحبـه وباشواقـه يلـوح


تبي الصراحه خذها من قلـب هاويـك

يعجبني صوتك وانت زعلان مبحـوح


يعجبنـي قولـك روح مابيـك مابيـك

وانـا ابوسـك واتـرجـاك وانــوح


كله علشان تقول (يابـوي وش فيـك)

الله ياحـلـوك لاقـلـت وش نــوح


امـوت فـي حبـك وادوخ بحكاويـك

واذوب في ضحكتك وعطر(ن) بك يفوح


صدقني ارخص دنيتي وانـت اشريـك

واذا تكـدر خاطـرك فرحتـي تـروح



تحياتي

صح لسانك

ركاردو كاكا

قصيدة رااائعه

تسلم ويسلم لنا حضورك المميز

صح لسان الشاعر
وسلمت يمناك اخوي على النقل الرائع
تقبل مروري