اهدي بيت شعر للي في بالك ..!

يا ابو الحلا يحميك ربي من العين
.......... إسكت ... وخل الناس منك إتعلّم
ما هوب إنت اللي تتكلم عن الزين
.......... الزين هو المفـروض عنك يتكلـم

‏يحق لي ياصاحبي افتخر فيك
‏يامطوع ظروف الحياه العنيده

‏تصدق أني في جهازي " مسميك "
‏للكايده .. والمعضله .. والشديده .

ام هتان معجب بهذا

كثـر الولـه.. مـرات أكبـر مـن الوصـف
............... وشلـون أبوصف بالكـلام إشتيـاقـي
لو قلت لك مشتاق تكشف عن النصف
............... والنصف الآخـر داخـل النفس بـاقـي

ام هتان ,ترف معجبون بهذا

ما خاب ظني فيك وللحين واثق
........... بأنك أطهر قلب في عمري لقيته

ام هتان ,ترف معجبون بهذا

تعال سولف لي عن الشوق والليل
........ وعن قلبك اللي لا سمح لي خذيته
تعال خذ فنجـال من البـن والهيل
........ كيفٍ علـى كيفـك وقربـك شريتـه
لك طلـةٍ تخجـل الجـدي وسهيـل
........ ياللي طلب قلبـي وانا قد عطيته

" أجلس مع الجلاس لو هم ثمانين
وتسرقني الهوجاس كأني لحالي"

من لايعس الدرب من قبل ممشاه
يطيح في جمرن عفاه الرمادي
ٰ
ومن لاتركد بالنصع قبل مرماه
تصيده ارجالٍ رميها .. بالركادي

‏غلاك ما يمحيه قل المواصيل
‏في كل حزه لك مع البال ميعاد .

انسان نادر ,هدوء المساء معجبون بهذا

‏انت حاجه " قديمه " فـ الزمان الجديد
‏« تختلف يوم غيرك يشبهون لـ بعض ».

انسان نادر ,هدوء المساء معجبون بهذا

‏يا كبر قدرك يا رفيقي عن الناس
‏مـا يشبهك في طبعك ، الا المرايا

‏هي تعكس الاشيا بدقة ومقياس
‏وانت تعكس طيبك وبيض النوايا .

انسان نادر ,هدوء المساء معجبون بهذا

‏لا تلوم المشاعر لـ أسرفت في غلاك
‏من يحبك يشوف الخير والعافيه .

هدوء المساء معجب بهذا

مـا كتبت الا لطاريك يـا وضـح النقا
........... انت تستاهل قصيدي وتستاهل غلاي
رغـم ساعات الموادع وساعات اللقا
........... باقـيٍ لك يا الغـلا قطعه مـن حشاي

‏

يا مساء الخير يا القلب الجميل

........ يا مساء الحرف وإحساس الشعر

يا مساء الذوق يالوجه الأصيل

........ يا هبـوب الليـل... غني له شعر

لا يشغـل التفكيـر بـالك والظنـون
........... القلـب غيـرك لا حـشـى مـا راق له
يضما عليك السمـع وتجـوع العيون
........... ولا فيه غيرك في الوجود اشتاق له

الله عطاه الغلا وانا اللي اشعربه
احس به في خفوقي قام يزدادي