( المليون رد) قلب منتديات قبائل ال تليد

كل حُبٍ غير حُبي مثل همَّال المزون

يستمر وقت والسحاب وينتهي وقت الغمام

وكل شعرٍٍ غير شعري مايفي باللي يبون

تكتب حروفه احبك ونيّته بالانتقام

أتحدى ... وأتحدى ... وأتحدى ... من يكون

إن قلبٍ غير قلبي حُبه صادق بالتمام

وإن كلامي ماعجبهم يفعلون مايشتهون

يمكن لاشافوا ولا عندهم ينشاء اهتمام

الغلا قصه وصارت بيني وبينك جنون

حكيتها بشعور قلبي قبل مايبدا الكلام

الغلا واقع أعيشه..معك مايرضى الظنون

واقع أجمل من خيال ..واقع نبراس الوئام

بطلبك قبل أنتهي كانك لـ إحساسي تصون

إن لحظات التواصل نغتنمها اغتنام

مانبي الايام تمشي والمشاعر يتعبون..

والخطاوي الهاويه في سراديب الخصام

والامـــــانه في النهايه ياحكي حُب العيون

لافهمت حروف شعري ضمَّها بعد الختام

تعبت أقوم بوجه الايام واطيح
........................ لطاب جرح ولندفن واحتسبته

ياهي سنيني ماكتفت بالتباريح
........................ ياذا الزمان شكلي كذا ماعجبته

كني خطا ويدين الايام تصحيح
.........................شيٍ بري منه وشيٍ ارتكبته

عشرين مرّن كل ابوهن بتلميح
.......................جرح قضا نزفه وجرح عصبته

ما كني اللي شال هم المجاريح
....................... لو هو لقب مجروح انا ماكسبته

كل مانشا غيم نشوله مشافيح
......................... وانا الذي محتاج سيله ونبته