بعض العلاقات

بعض العلاقات ما منها ابد فكه
يا شينها كان جبتها لك القدره


لاجاك دمه ثقيل ومنطقه سكه
يضيق صدرك وهو مستاسع صدره


لاصرت ضيق الصدر بالي معك صكه
لاتجامل الي غييث وشفته ودره


زك الخوي من قبل لا تعاشره زكه
ترى خوي النشاما صابته ندره


وقت الشدايد اذا بتجربه ضكه
يمد شوفه وتلقى فزعته حدره


الاجودي اجودي ما تلحقه شكه
وفرخ النخل ما يجي في قاعدة سدره


من رافق اجرب تبي تبدابه الحكه
والطير سلم عليه ان صابته جدره


باب يجيب الهواء ان طعتني صكه
ارقى الرفاع وتجنب كل من حدره


ما يبخص شعاب مكه الا اهل مكه
الصاحب انشد وتلقى عندهم قدره


كل القلوب بهل وقت مندكه
سبت كدرهم خوي حاشهم غدره




العطشان

ايلاف ,السفيره معجبون بهذا

صح لسانه الشعر ابيات حكم في محلها
وصحت يمناك نادرنا ولاعدم ياشيخ

انسان نادر معجب بهذا

ابيات رووعه جزله
صح لسان شاعرها وسلم بنان ناقلها

كل الشكر

انسان نادر معجب بهذا

عآآآفاك ربي على ماقدمت
رائعة بكل ماتعنيه الكلمة من معنى
سلمت لاعدمنا هاالعطاء
الذي يظل ينبوعا للنقاء

دمت ودام تألقك
لك كل الشكر والتقدير
ايلاف،~
🌸🌺🌸🌺🌸🌺

كل الشكر لمروركم العطر والجميل...