تعبت اصارح واعطي الناس بوضوح..

‏تعبت اصارح واعطي الناس بوضوح
ولا فيهم اللي واضحٍ لي ... صراحه

ولا قدرت اسري مع الناس .. واروح
وهاجوسي المسجون مطلِق سراحه

رغم الأمل (في داخلي) باني صروح
أنزف ألم .... والقلب تدمي جراحه

صدري شتات الأمس وكتاب مفتوح
وعمري زمن مكتوب ؛ تعصف رياحه

ما بالحياة اسرار .. والعلم مفضوح
و (التالي من الجيل)؛ ماخذ مساحه

العصر الاول.. ماضي اجداد مشروح
عصر النقى، والطيب مشرق صباحه

من عاصر الجيلين .. واشقنّه جروح
وافنى حياته.. بين ... يسر وسماحه

جاوز حدود الصبر؛ ضاقت به الروح
ما غير - ذكر الله - يعيــــد انشراحه

في كلمته نوحه.. وفي صمته البوح
وفي وحدته عن هرجة الناس واحه

واليوم، انا ما لي مع الناس مصلوح
لا قلت قول الصدق؛ والصدق راحه

والا بصراحه معطي الناس بوضوح
وما فيهم اللي واضحٍ لي.. صراحه.


..بندر الخنيفر..

أبيات جميلة
وقصيدة رووعة
الله يعطيك العافية كبرياء
لروحك اكليل من الفل

ابيات قمه في الرووعه
يسلموو كبرياء ع حسن انتقائك

مرور انيق من ناس انقياء..

يعطيكم العافية..

أبيات رائعه بمعانيها الجميله
يسلموو عزيزتي كبرياء
دمتي بخير

وحضور رائع من غاليتي طيف ...

يعطيك العافية لاعدمت وجودك ..

//


صح لسان قايلها وسلم بنان ناقلها
طبتي
...

انرتي طرحي بـ جمال طلتك..

يعطيك العافية لاعدمت وجودك..

قصيدة جميله جداً ..
شكراً كبرياء على الجلب الرائع
دمتِ ودام تميزكِ .

ومرورك زآدها آكثر جمالآآ..
يعطيك العافية..