لحظة وداع ،وكنّها سكرت الموت !

رفعت كفي .. ماقدرت ارفـع الصوت لو كـان فالخاطـر .. كـلام ٍ كتمتـه لحظه وداع / وكنهـا سكـرة المـوت ضاع الطريق .. اللي من اول رسمتـه ضاع الطريق وصرت في الدرب مبهوت مدري وش اللي فاتني مـا اغتنمتـه ! العمر مرّ .. وراح مع فايـت الفـوت صحيح ضعت .. وضاع حلـم ٍ حلمتـه الا انت ياللي قربـك لروحـي القـوت لو غبت / يبقى وسمك اللـي وسمتـه يبقى كما نقش ٍ على الصخر منحـوت حفظتـه .. بشكلـه ولونـه وسمتّـه مهما الفراق اوجـاع والبعـد ممقـوت اصبح مصير ٍ من غـلاك / احترمتـه دمع النصر لو طاح من ( عين جالوت ) ( عين العقل ) دمع ٍ تكنّـه / حشمتـه ذخرت لك يافرحـة العمـر .. تابـوت فيـه الغـرام اللـي بديتـه / ختمتـه يبقى الغصن لو مابقى فالغصـن تـوت تحـرك انسـام الذعاذيـع .. صمتـه سكّت .. وانا مـن موادعـك مكبـوت شي ٍ تجاهلتـه .. وشـي ٍ فهمتـه ! حبل الرجاء من جور الايـام مفلـوت ياليت قلبـي عـن غرامـك عصمتـه ياما .. بنيت بيـوت وبيـوت وبيـوت اليوم .. كـم بيـت ٍ بنيتـه .. هدمتـه م/ن

صح لسانگ أختي الحرة
عاطفة شعرية رائعة وفي منتهى الجمال
شكرا لما كتبه قلمك السحري


دمتي بخير[emoji257]

احساس رائع وحزين يشوبه الندم والحسرات اشكرك اختي الحره ع هذه الابيات التي توقفت انا عندها كثيرا.. كل الشكر[emoji257] [emoji257]

خاطره تلامس الاحسسساس بالمها
...
شكرا عزيزتي الحرررهـ
وجعل الامل بالسعاده دوم مخاويك
لاعدمنا تألق ماتطرحين
....

ابيات ناصعة الجمال
صح لسان الشاعر
تسلم يمناك اختي الحرة على جمال اختيارك
شكرا يا مبدعة

الآعزاء
راعي الفزعة
امير الذوق
السفيرة
ابوفواز

اشكركم على الحضور الكبير ودمتم بِ آسعد حآل .