جيتك شايلٍ ورده حمرا عطرها موزون
وبس عرفت لمن بتروح ذبلة حيــل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه
أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
يتيمـة فرحتـي والله يتيمـة يـحسدوني عـلى فرحـة يتيمة
جمعنه ياس كل الخلق فينـي خفـوقي ما قوى صدمة عظيمة
حبيبي والله إني فيك مغـرم ونـفــسٍ مالهـا ذمّـة سقـيمــة
حبيبي كل شيء فيني ملكته ونار الحـب فـي جوفي ظريـمــة
إذا روحي لها في حبك ذنـوبِ هلا بذنـوبـها لو هي ظـليمــة
وإذا في حبـك إجرامٍ ارتكـبته فـأنا كـلّي فـخر بأعظـم جريمـة
لو أشوفــك فـي أي حال .. مثـلك مثل غـيـرك
ولا ظرف اللقا يغيرني
فرقـاك أصوّرها زوال .. وعينـي ما ترى عـينـك
أبلقى غيرك بيسعدني
حـتى ولا برسـم الخيال .. تغرينـي بـزيـنـــك
تـرى خوفي الذي أبعدني
أخاف من حـكـيٍ يقـال .. وتـصدقيـن مـحـاكينك
وتغلط أكثر وتظلمني
لا واخسـارة وقت الوصال .. عـن غـايتـي ويـنـك
شوق الحب لك سيّرني
حبك ترى من القلب زال .. وامسح ذكراي بيدينك
أنا كلي أسف تعذرني
منـك الخـطا منـك الاهمال .. ضـيّـعت مغـلـينـك
صبري من الأسى ودعني
لك فـي هـوى غيـري مـجال .. قـدّامك سـنينــك
غريب أنا تصورني
يا معشر العشاق بالله خبروا اذا حل عشق بالفتى كيف يصنع يداري هواه ثم يكتم سره ويصبر في كل الامور ويخضع كيف يداري والهوى قاتل الفتى وفي كل يوم قلبه يتقطع
يا معشر العشاق بالله خبروا
اذا حل عشق بالفتى كيف يصنع
يداري هواه ثم يكتم سره
ويصبر في كل الامور ويخضع
كيف يداري والهوى قاتل الفتى
وفي كل يوم قلبه يتقطع
02-15-2011
رد: قلب منتديات قبائل ال تليد((للمليون رد ))
العرض العادي
