سجل حضورك ببيت شعر

عليك ساقتني مقادير .. الأيام
ضايق وأدور في سوالفك راحة .

أعطيـه من قلبـي ولا قلت كافـي

........ مهما طلبني الحب ما قلت بعدين

طبعي بحبه مثل طبـع السنـافي

........ يكـرم معـازيمه ولـو كـان بالـدين

ماعلى وجه البسيطه مستريح
‏كل جوفٍ فيه همٍ منزوي

‏القوي يحاول انه مايطيح
‏والضعيف يحاول يسوي قوي .

هدوء المساء معجب بهذا

صاحبـي.. مـا عـاد للضيقه بديل

....... والحزن في القلب ساكن مطرحه

الهمـوم أنـواع … والنـوع الثقيل

....... هـمّ مـا يقـدر شعـورك يشـرحه

بعض البشر يعجبك حتى احترامه
...... وتحب فيـه اجمـل صفـاته وترتاح
إن غاب .. تشفق في لقاه وسلامه
...... وإذا حضـر.. همـك من القلب ينزاح

يكفي إني لا لمحتك تنفتح دنياي نور
تختفي مني همومي وابتدي بذكر القصيد


ابتدي اكتب شعوري واغرس لحرفي جذور
وانتهي عند النهاية وينتهي جرحي العنيد


ابتسم لأحزان قلبي ويرتسم فيني شعور
أشعر إني في ابتسامي ألعب أدوار البليد


ليت يا قلبي المتيم تفتهم طبع الزهور
وتصنع لزهرة حياتك مبدأ الحب السعيد

هدوء المساء معجب بهذا

الطيبين اللـي يحبـون الحيـاة

........... بـ عيونهم كل الاوادم طيبين...!!

ندى معجب بهذا

ليت كل الناس باوصاف الغيوم

........ لا ســواد ، ولا نفــاق ، ولا ريـا !

ندى معجب بهذا

يـا مسـاء الـود والـورد وشـذاه

...... للجمـيع بـدون مـا اسمـي أحد

كل شخصٍ مرّ ..عـ الحـرف وقـراه

...... يا عسـى يومـه تبـاشير وسعد

ندى معجب بهذا

لا لباس أجمل من العافية
‏ولا كنز أكثر من الـــقــناعة

ندى ,هدوء المساء معجبون بهذا

مشكلتنا حلّها قول الصحيح

........ والصحيـح بحد ذاته مشكله

ندى معجب بهذا

ماعاد لي خاطر وﻻ عاد لي نفس
‏وﻻ قمت ادور وصل من ﻻ يجيني

‏من قرّب بخطوه اقرب له بخمس
‏ومن هو تغير عمد ﻻ يحتريني

هدوء المساء معجب بهذا

أجمل عطايا الوقت بالدنيا صديق

........ إذا ذكـرتـه تلحقـه كلمـة كـفــو