( المليون رد) قلب منتديات قبائل ال تليد

سلام ياصقر تعلا المراقيب
سلام ياعز الخوي ياكحيلان

شبل بنى صيته على العز والطيب
يرقى على العليا كما فرخ شيهان

عز الخوي ليا جا لزوم ومواجيب
لاهل الكرم شيخ وللطيب عنوان

ليا احتمى الموقف وصدوا وخلوك
وضاقت بك الدنيا ولا فيه فزاع
ابشر بعزك لعنبوا من عادوك
تامر علي وانا اجيك بياع
لاتشكي الدنيا وانا حي ياخوك
يفداك راسي وكلي لك انصاع

اشره عليك وتحسب اني مجافيك
واغيب عنك وتحسب انه تغلي
ماهو جفا ياصاحبي يوم ماجيك
مالي بغيرك يابعد كل من لي
لا والذي سواك محد يساويك
غلاك ماخلى لغيرك محلي
ان غبت بالوجدان رحي تناديك
وان جيتني كل المشاعر تهلي

يا صقر جيتك من عنا الوقت مرتد
تاهت بي الخطوات بين الحراوي
ابا انتخيبك يوم انا حالي انهد
علك تروف بحال منهو شقاوي
مازلت احس ان الظهر فيك ينشد
وانك على ماقيل قد الهقاوي

ترى حلاة العمر مع من تحبه
شخص تريده من جميع المخاليق

كاس مليته بالوفا لاتكبه
خله يبلل بالوصل يابس الريق

صبه بقلبي ثم امله وصبه
وان كان ودك غرق القلب تغريق

شفت النحل وشلون يبني خليه
مثله بنيت بداخل القلب لك بيت

ياللي سكنت الروح عن طيب نيه
ماني سعيد القلب لامن تخليت

الحب نيه والنوايا مطيه
ومن مد لي فنجال حبه تقهويت

عزاه يا قلب ظروفه تحداه
مامر به يوم من الهم سالي

وعزاه ياقلب فقد كل قواه
وشدت عليه الحمل سود الليالي

على حبيب مابقى غير ذكراه
اللي بنومي شفت زوله قبالي

وفزيت من نومي ابي القرب وياه
وجدت نفسي في فراشي لحالي

كنتُ ... هنا ..
ذات يوم

اقضي مع الافكار غربه وترحال
ذكرى تفرحني وذكرى حزينه

انت الفرح وانت السعاده والامال
يامن بنا له في ضميري مدينه

وانت الوفي اللي مع الوقت مامال
مثل البحر ياكم حمل من سفينه

ناس تفكر همهم يسعدونك
وناس تفكر كيف تقدر تبكيك

لاتشتري من حالوا يخسرونك
ولاتخسر اللي فكر بيوم يشريك

مافيه اجمل من صديق يصونك
ولافيه اقسى من قريب يعاديك

اكبر قهر.. لاصار ناس يبونك
وانته تبيهم بس حظك لعب فيك

يافرحة المشتاق ياعيد عيده
ياثالث الاعياد في قلب مغليك..

هديتك في الحب مني قصيده
اجمل حروف الشعر سويتها فيك.
.
بعض البشر لوغاب ماهو فقيده
بس انت لك وحشه ولاني بناسيك

ماكل من يضحك بسنه يودك
ولا كل من سلم وحياك يغليك
رفيقك اللي عن ربوعك يسدك
يقول لك هرج عن الكل يغنيك
رفيقك اللي مايثيره مردك
لوتزعله بالهرج ماكن يوحيك
ولو شانت الايام ماصار ضدك
مايظهر الهرجه ولاقد حكى فيك

مادمت لي صاحب ترا الراس مرفـــوع"
ماهمني طيب العـــرب من رداهــم...

ماإنت من اللي طيبهم شهر واسبوع"
ومن عقبها تلمـــس بوادر جفاهـــم...

تــــراك ياعمري لــي نـــور وشمــــوع"
في وقت فيه الناس مدري اشبلاهم

حي الجواب اللي لفاني بترتيب.
من صاحب يسوى قروم القبيله~

لامن تطاروا فيك بالعز والطيب.
الطيب كله في يمينك تشيله~

شرواك يستاهل نسميه بالذيب.
في صاحبي مليون نعم قليله~

غايب وانت بالقلب موجود
ماغبت عني يااعز غالي..

اذكرك لاشميت انا ريحة العود
واذكرك لاهبت هبوب الشمالي..

واذكرك لابانت لي ازهار وورود
واذكرك لاشفت القمر فوق عالي