قولي نذل قولي متكبر وكذاب..!!

مات الأكيد وفتّح الشـك الأبـواب سـؤال وأبغـى منّـك تجاوبيـنـه
نكذب نقول اللي مضى بيننا أعجاب إي ليش قلبـي بـس تستدرجينـه
بأفعالك وتلميحـك القلـب مرتـاب حتـى بتصريحـك نطقتـي تبينـه
وقلتي أحبـك قلبـي بفرحتـه ذاب واليوم بتروحين وتجرّحينيـه..؟!!
واللي يعيب الرّجل لاقيـل ذا عـاب أنّـه يحـب اللـي يتعمّـد يهينـه
بموت أحبك لوكلامك سهـم صـاب خفـوق خلّـك ليـن بيّـح كنينـه
ظنّك بتجريحك أبكرهك بـي خـاب مجـوّد مايكرهـك لـو تذبحيـنـه
وتجريحك تظنيـن بيسّهـل غيـاب لا والله الاّ ذبحتـي مـن الغبينـه
قولي نذل قولـي متكّبـر وكـذّاب أدري عذاب البعـد بتسّهلينـه..!!
مجوّد لو شفتي بداله لـك أحبـاب يرفض يصدّق... لو تأكّـد بعينـه
وإن كانك انتي تجرحينه بلا أسباب وخـلاص ماعـاد اللقـا ترتجينـه
حبّه حضر يومين في قلبك وغـاب قلبه صدوق ..الله في بعدك يعينـه
لو صدّقك بيعيش محبط ومنصـاب إن كان خنتي..وش بقى في سنينه
ناسٍ تقسّم بيـن حاسـد ونصّـاب وصديق لامنّه بغـى أنّـك تعينـه
وان كان تحتاجه غدا مثل الأغراب عسـاه إذا تلقـاه يبسـط يمينـه*
قولي وأبذكر لين سهم الجفا صـاب لعل وجدِي..بمزحك تهوّنينه..!!!!!!

*في المصافحه عند السلام

عبدالمجيد محمد سعد اليحيى