صدفتكـ

صدفتك !
........... وحبست شرهة خفوقي قسمتي وشفاي.............
.................وأنا عوّدت عيني لاسكتّ تفضفض .. المستور
.................... وقلت : (اللــه)... من خفّك على دربك وثقل خطاي
...........................أسّحبها تقول اني ليامن شلتها .. [ مجبور ]


نعم مظلوم .. لكني أضحّي لجلك بدنياي!!
قدحت الك الحنايا وأنت ماقصرت بالديجور




حبيبي حيلتي فاتت عن أشواقي .. أبي لي راي !

مثل ماكسّر غيابك غرامي .. جيتلك مكسور-..



جريح ودمعتي تكفي عن جروحٍ ..
................................ تشبّ احشاي..
.........................تبوق الحزن وتخطّه على خدّي كما بلّور!


وأنا وش عاد لو يبكي من من جروحي | حزين الناي
...................كذا طبع الحزن ماله على قول البشر .. دستور


حبيبي يابخل غيمة هواك .. وياكبر قفراي..
تمر بها .. ولا كنـّك تشوف ! ,, وتبتعد مغرور !!


ياليت تشوفني .. !
.................. لاشفت طيفك يبتسم لي جاي
.....................وياليت تحس بي لا اقفى عن عيوني وانا | مقهور !


أنا مشتاقلك كثر الشماته .. في وجيه أعـداي
.....................كثرما غبت وتساوى فــ عيني ليلـها والنور


حبيبي تختلف معك الحروف ويرتجف معناي ..
أمانه لاتحاسبني على ذنبٍ بدون شعور!!


حبيبي ليت تدري كيف شلت قليبي بيمناي
...................ولو أقدر: خفوقي مايرده عن وصالك .. سور


تعبت اطرد سرابك واحسب انه في طريقي
.......................................... ماي!
.....................الين الوقت غيّب خنجره في قلبي المغدور..


تهدّمت .. ونشف دمّي.. وأنا ماغير ألمّ أعضاي !!
أقضّي العمر وعروقي ظمايا ... والحنايا بور !!



على غصن الأمل ماتت طيورٍ روحها رجواي
..................عقب جف الغصن وأضحى حزين ( ومايشيل طيور ) !!


صدفتك وأسبل الجرح القصيد ... ومابقا بشفاي
........................سوى بسمه حزينه .. ماقوت تكشف لك المستور !