لالئ شعرية

لآلىء شعرية






أسج وتنقلب ضوضا الشوارع في عيوني بيد = واجيك ويرتعش في خافقي عصفور لا جيتك
دخيل الطلّه اللي كل ما جت فوق ذاك الجيد = دريت انّك طموحي يا طموحٍ ما تعدّيتك
حشا ما مرّني يومٍ صبوح إلا انت بالتحديد = تراك الصبح في عيني من اول ما تهجّيتك

ناصر القحطاني


هبت جنوب وطاح برد المكاتيب= ويا كثر ما هب الجنوب وذكرته
يملى حضوري من حضوره وانا أغيب= وياما غيابي في غيابه حضرته
إن جاء مطر صارت له ضلوعي شعيب =وإن راح ريحٍ طير اللي بذرته

سعد الحريص


الشعر وهبة وزعت بين الخلايق والبشر= مقسمة بين القلوب المذنبة والطاهرة
الشعر منهج فلسفة بين المحانى والفكر=ضرب اتفاق ويبتدى سرى وعقب مجاهره
الشعر مزج من الثقافة والفراسة والعبر= فيه النوايا تختلف الباطنة والظاهرة

مطلق النومسي


يا سيد احلام الوهم يا مالك احساس الهبيل =إلى متى كل الرياح اللي تمرك عاصفة
أتعبتني يا هاجسي واتعبني الدرب الطويل =ودي أحس اني بشر كل الدروب توالفه
وش لي من اوجاع السفر وش لي من هموم الرحيل= وخطوة مثل كل الخطا لكنها متخالفة

مهدي آل حيدر