حبيب الشعب

قصيدة بمناسبة سلامة خادم الحرمين الشريفين الملك عبد الله بن عبد العزيز حفظه الله
من العارض الصحي الذي ألمَّ به:
يا حبيب الشعب شعبك يحبونك =والمحبة بيننا جعلها دايم
انت ماتشتالنا غير فعيونك =ولا تطاوع في غلانا هوى السايم
لو نجوع ولقمة العيش بصحونك =قلت جزوّها على الشعب انا صايم
وابشر انا كلنا صف من دونك =نضرب الهيجا ولو عجها قايم
لو تنادينا نلبيك يا عونك =والمعونه بالله الواحد الدايم
سيدي سادات الاسياد يفدونك =ما سمعنا فالغلا لومة اللايم
انت والشعب السعودي على هونك= كل منكم صار للثاني ملايم
حي باليمنى وشعبك يحيونك =يالمليك العادل الزاهد الشايم
صار هم شعوب الاسلام من شونك =هم من غزه للبنان للقايم
تقف معهم طيب قدّام ينخونك =ولا تذوق النوم لا ضامهم ضايم
جعل رب البيت يا قاك ويصونك =وجعل حظك قايم وحظنا قايم
ردك الله سالم لمن يحبونك =والبسك ثوب الشفا والهنا دايم


للشاعر/سعود الدهيمي