سامح الله من هقابي

سامح الله من هقابي غير مابي وش عليه =حسن ظني فيه يجعل سوء ظنه حسن نيّه
مافهمتو ليه طيب مقصدي والله نزيه =احسنوا الظن بقصيدي تحسنون الظن فيّه
ادري ان الشعر ذنب وذنب شعري هاه ايه =لابغيت اعمل قضيه مستعد اعمل قضّيه
فيك والافيه والافاي واحد مشتهيه=مفرد الجمع لشظايا يابعد خشمي شظيّه
يتضح وجه التشابه لاانفضح وجه التشبيه =لاتقول السمع نار وتدري ان النار حيّه
يسألوني كل ماكتب هاه الله منهي فيه =من كثر ما اضحك كرهت الضحك من شر البليّه
كرهونا الشعر كله عوع كله مانبيه =ماوراه الا المغثه وصلخ حكي بها القضيّه
ماعلي من السلنتج والقطيه والسفيه =بس اخاف من الفهيم اليا تهمني بالرديّه
كرم الله من هقابي غير مابي وش عليه =كيف انا بشره على اللي شرهته ماهي عليّه







للشاعر/خلف المشعان