لا يهمّك

صباح الورد 🌹 على الجميع

لا يهمّك حاسدينك.. كلهم فـدوة عيـونك
............... دامك اللـي فـي عيونـي.. ريِّحي فِكـرك وبالك
كلهم يا نور عيني.. لجل حسنك يحسدونك
............... لا يصيب الهـم قلبـك.. اضحكـي وزيـدي دلالك
فارقه في الزين عنهم.. في الحلا ما يشبهونك
............... الحسن في الكون كله.. بعض من فائض جمالك
كلهم تدرين عني.. في الغلا ما يوصلونك
............... في يدك مفتاح قلبـي.. اسكني وحطي رحالك
لا يهمك كل حاسد.. وكل من خيَّب ظنونك
............... مـا يطـول الغيـم صوته.. مـا يطـول إلا ضِلالك
اضحكي يا فرح عمر.. واتركي لقلبي حزونك
............... قد عطاك الله فؤادي.. ولو طلبتي العمر جالك
يا قمر ليلي وشمسي.. وش يساوي العمر دونك
............... والله إن النـاس كفَّه.. وانتـي فـي كفَّه لحالك
جمَّلك ربي في عيني.. يا عسى ربي يصونك
............... أعشق اسلوبك وملحك.. وكل خصلة من خصالك
قلبي اللي في يدينك.. ما يجي يوم ويخونك
............... دام قلبـك محتوينـي.. ودام قلبـي قـد صفالك


حصري
إبراهيم عسيري

سمآاآء ,ابوخالد ,راويه ,السفيره ,ايلاف ,ندى معجبون بهذا