من اشعار ضيدان بن قضعان

يقول ضيدان وهو في قمة التجلي والشاعرية وفي أروع صور الشعر الحقيقي :

هيه ياللي غرك الحسن واطغاك الجمال
والله أن اموت ما شفت لأوصافك شبيه
لو يسام الحسن والتيه بجنيه وريال
ما بقى في سوق غيرك لا ريال ولا جنيه
كيف أهدك للمقابيل وأنتي راس مال
راس مال ومال والمال ما يعطى السفيه

ويقول في اجمل قصائده الوجدانية التي يأسر فيها المتلقي بكل شفافية :

يا بنت جيتك والثمن عمري ابي ليلةٍ لقا
يما كذا والا بلاش من الصداقة والصديق
وساعة تبسمتي وشفت الجمر والثلج اصدقا
قلت أشهد أن الموت حق وصحت لك صيحة غريق

ويقول في إحدى أجمل قصائده التي يغلب عليها طابع الشجن والاسى :

وانتي الي كل ما لدة عيونك في المرايه
مالمحتي الا اليتم الي خذت قلبه يتيمه
واليتيمه في اليتامي مالها حق الوصايه
الوصيه عودها الغض ونواياها السليمه
لكن انتي صار لك حق الوصايه والولايه
واستبديتي وشدو البدو واضحيتي مقيمه