خبز الفرن بالعسل والسمسم

اهلا كيفكم شخباركم طبعا عالسريع سويت خبز بالفرن راح اعلمكم يسر لذاذه الخبز مهما كان في تنور او فرن او صاج العمده على نوع الدقيق المستخدم طبعا انا دايم اخذ مخلط بر نجران مع بر الحجاز مع بر القصيم مع بر بللسمر خليطي من افضل وانظف مطحنه. المهم نجي طريقة العجين اولا نحط ملعقه خميره فوريه مع ملعقه صغيره سكر >>اختياري رشه ملح في كوب مويه دافي نتركها شوي تخمر بعدين نحطها بالعجانه. كوبين دقيق بر +كوب ابيض بعدين اعجني بشوية مويه دافي لين تتكون معك عجينه حطي عليها الحين زيت زيتون اعجنيها بزيت الزيتون وخلاص اتركيها نص ساعه كذا بعدين جهزي الفرن وصحن الخبز شغلي عليه النار بالفرن لين يسخن صحن الخبز طلعيه وامسحيه بمنشفه وهو حار صبي عليه شوي زيت زيتون وبعدين جيبي عجينتك افرديها ايه حطي عليها سمسم وحبة البركه اضغطيها عشان تمسك داخلها ورجعيها الفرن راقبيها اذا حسيتي تحمرت من تحت قفلي الفرن من تحت اتركي العلويه شغاله عشان تتحمر من فوق طلعيها بعد ما تتحمر حطي عليها سمن وعسل قطعيها مربعات وجربيها مع كرك وشاهي نعناع وبالعافيه