حطمتني وانابعمرالزهوري

عالج جروح القلب تكفى يادكتور
جرحي بوسط القلب حطم شعوري

لاتعتـذر منـي تـرى ماانت معـذور
شخص لي الحاله ضروري ضروري

الأمـر هيـن كُلـها عِـدت أسطـور
وإللي جرى لي بينه في السطوري

قال أنت ويش تشكي منه قلت مقهور
حالـي سقيم وشـوف دمّي يفوري

كُله من إللي غايبٍ(ن) عِدت أشهور
ماجاء يُساندني ولاجاء يزوري

وليا إتصلت أمبين الرقم محظور
وفي حالـة الوتساب مالـه ظهوري

قال الصحيح إنك مهلوس ومغرور
خُذ من علاج الهلوسه والغروري

ودام الرقم محظور خذ مني الشور
أللغى الصداقة كان طاوعت شوري

قُلت انت يادكتور حملتني الجور
وإللي تقوله زاد همي وجوري

البعُد عن خلي في القلب له دور
وانا من أهموم الزمن خذت دوري

ماابغي نصيحه منك مشكور مشكور
حطمتنـي وانـا بعمـر الزهـوري

والادمي في العُمر منهي ومامور
ماجت على كيفه كثير الأموري

لكن دُمت بخير والحال مستور
مالي ومال أمضيقين الصدوري

بكره يزول ألهم والكسر مجبور
واثق برب الكون يجبر كسوري

كلمات/ابوخالد