المملكه دونها الدم الحمر والرصاص

مني التحيه لبن سلمان وسلام خاص
يحمل معاني الغلا والشوق مضمونها

أميرنا إللي يمينه طوّعة كل عاص
ولي عهد السعوديه ومامونها

زعيم تخضع لك الحُكام داني وقاص
لك سطوةً كل عدوانك يهابونها

ياأميرنا ماسمعنا فيك هرج الرٍخاص
رفيع شانك وهامتك أعتلت كونها

والمملكه دونها الدم الحمر والرصاص
ورجال من دونها وارواح من دونها

تُحشم وتكرم عن إخفاف العقول النِقاص
قولو لحسادها تمشي على هونها

صفوفنا جاهزه ماعاد عنها مناص
والله لنترب خشوم إللي يعادونها

كم معتدي من مواقفنا يجيه إختباص
وأهل الظلاله عزمنا نكسر أقرونها

خلاص حِنا كشفنا أهل الخيانه خلاص
ولابد من يوم ياجي نهدم أركونها

حنا هل الحرب وإحنا له هل ألأختصاص
وإحنا هل العلم والتوحيد وحصونها

جيوشنا أمدربه للقنص والإقتناص
وأرواحهم دون إبن سلمان يهدونها

مادام خُبث النوايا لعبهم لعب خاص
حنا بنلعب على المكشوف بعيونها

إعلامهم كذب ومزيف عن ألحق لاص
خابت وعابت وربي خيّب اضنونها

وإللي يهذري علينا من خِلاف القفاص
تُكرم لحانا عن أهل الكذب واللحونها

أقزام كلا(ن) مُركِب له على إذنه خِراص
ماأنتم كفو ل السعوديه تسامونها

ألموت دون الوطن حلوى وتمر الخِلاص
أقولها والشعب مثلي يقولونها

على قبور العُدا ندعس ونرقُص رقاص
وتموت حسادنا وهيا على أغبونها

عدونا نُطعمه علقم وشرب القلاص
وسيوفنا البارعه يُدمي العُدى كونها

السن بالسن وآلأجروح فيها القصاص
والبادي اظلم يافاتنها ومفتونها

ياأهل الفتن لاتحسبون الفتن لعب هاص
هُنا رجالاً حياض الموت يردونها

أبو/خالد