القلب الجريح

عمر الضحك ياصاحبي مايحيي القلب الجريـح

ماغير يزرع بسمته .. تبقى علـى كراستـه

يبقى الزمن جاير على فراشه لو اصبح طريح

مايعتني بـه مذهبـه .. لاشاقتـه طرّاحتـه

مذهول لكن في متاهاتـه ندائـات الضريـح

معقول حظة يعترف ويبقـى معـه لاشاكتـه

العمر يذهلني وانا جـداً عصـي يامستريـح

امشي معه لبى عيونه .. دمعتـه لاصاحتـه

مايجرح القلب الشقي .. الا اجاباتـه صحيـح

ومايترك العاقل خبل .. كود الكحل لاساحاتـه

الدمع يغسل هالذنوب والذنب يجعلنـا نصيـح

والشخص يتبع وارثه .. والهم عيني شافتـه

ياشينها لامن رفعت الناس .من حولك يطيـح

ودك ماغير توادعه .. لإنك عطيتـه حاجتـه

بعض العرب مهما رفعته تلفح اوراقه فحيـح

تلقى الدروب اغتالته .. وحتى الهموم اجتاحته

وهناك من يمشي ورجله ريح وتسابقه ريـح

يمشي تحت غرّ النجوم .. وينام جنمبه ناقتـه

قلبه نقي .. مثل البياض ، مايدخله غير المليح

صافي النوايا رفقتـه .. تنثـر ورود بساقتـه

وهناك من يسقي الشعر والقاف كاله بالمديح

مرّه يشيلونه طرب .. ومرّه طـرب شيالتـه

قلبه خضر يمشي ولا همّه اليا قالـوا بجيـح

اكبر همومه عشقته.. يبكـي قهـر لافاتتـه

وهناك من كبّر وصلى والترف منـه مريـح

كل السكينة بداخلـه ويبكـي علـى سجادتـه

يجلس بمحراب التقى يصيح ل(ربـة يصيـح)

مخلص لربي بواجبه ويطمـع يلبـي طاعتـه

الناس تتكـرر ولكـن بعضنـا حكمـة يبيـح

انه يحقق حاجتـه . يطمـع يلبـى ساعتـه

والدمع يغسلنا ولكـن الحيـا اصبـح يسيـح

لاهوب لاقي حاجتـه .لاهـو مخلـي عادتـه
م