ابيك تكبر والمصيبة تكبرت .

البارحه مابين وشلون يمديك
في يوم واحد يا حبيبي تغيرت
الليل خلاني وخلا طواريك
تلعب براسي كل ما بداخلي ثرت
سويت شي حدني غصب ما جيك
والا قبل لا سير الليل سيرت
هدمت كل اللي بنيته بتجافيك
هدمت لاخربتها قول دمرت
الله كريم يصبر اشواق مغليك
لا قام ينثرني غلاك وتناثرت
والله يسامح قلبي اللي مواليك
اخذت كل اللي تبي منه وانكرت
منهار جيت العام تسبق خطاويك
واليوم ماكنك قبل جيت وانهرت
في ذمتك لا من تذكرت ماضيك
من يطري في بالك اليا من تذكرت؟
خليتني وما قلت لي شلون اخليك
ليتك بحالي قبل ما رحت ناظرت
من كثر مافكرت وشلون ارضيك
معاك في نفسي ولا يوم فكرت
على كثر ما كنت متمسكن فيك
وعلى كثر ماحتجتني ما تعذرت
جيتك وعندي حاجتن بين اياديك
والمشكله تقدر عليها وقصرت !
رح بشر اللي ملتفتلك يناديك
قله تركته لخاطرك ما تأخرت
صدقني انها غلطتي يوم اداريك
والا انت لو لا غلطتي كان ما صرت
كبرتك بعين البعيد وحواليك
ابيك تكبر والمصيبه تكبرت
حاولت اغير فيك من كثر ماغليك
قدرت لكنك عليه تغير ت