الايالله طلبتك ياجليل الملك ياغفار

انا بين الرجال اعرف مواجيـبـي ولي مـقـدار
واقدر للوجوه إللي على درب الوفـاء ســارت

وإلى جتني الخطـيـه مـاتسـرع واقـبل المـعـذار
ورمـيات الـقـفـى مـاتـذبـح الرجال لو جــارت

صحيـح إن الـكلام الشيـن شوك وللكـبـد نجـار
ولكـن طبعـي اتجـاوزواغض الطرف لوشانت

وانا من عادتي منظـر خلافـي واتبع آلاخـيـار
وطبـع اهل الكرم تصفـح عن الزلات لو بانت

وانا من صغر سني ماصحبت الاش والغـدار
وقصّـرنا الخُطى عن دربهـم وانفوسنا طابت

وانا أدري إن العمر فاني وانا ادري ان الزمن دوار
وياليت إن بعض الناس عـن هـرج الـردى صامـت

الايالله طلبتك ياجـلــيــل المــلـــك يــاغــفـــار
تغـفـر أذنوبنا وافرج همـوم الخلق إذا ضاقــت

ووفقني على الطـاعـه وجنبـنـي عــذاب الـنــار
وارحمـني اذا ضم ألـثرى والروح لك فـاضــت

وثبتني على نهج النـبـي واصـحـابـه آلاخـيــار
رجوتك ياإلـه الكون والـهــقــوات مـاخــابــت

كلمات

ابو/ خالد