دقة وتعليمة

اشتقـلـك يـاشـوق مـــن بـــدة الـنــاس

لـــو كـــان مابـيـنـي وبـيـنـك عــلاقــه

انـا عشقـتـك فـكـر والـهـام واحـسـاس

وسلمـتـك احـسـاسـي بـــذوق ولـبـاقـه

صارحتك بشوقـي مـن الـراس للـراس

مــــدري ذكــــاء ولا زيــــادة حـمـاقــه

وصبيتلك من صافي العشـق كـم كـاس

سـكــر زيـــادة كـــان تـطـعــم مــذاقــه

وصبيتلـي مــرك عـلـى غـيـر مقـيـاس

وقدمتـلـي مــن شـــوك فـرقــاك بـاقــه

وحررتلـي شيكـك علـى بنـك الافــلاس

وانــا الـــذي معـطـيـك رقـــم البـطـاقـه

يانـعـبـو قـلـبـي لـيــا حـــب يـنـحــاس

ويـنـجـر حــتــى بـالـسـلـوك الـدقـاقــه

حاولـت اغـيـر فـيـه والقـلـب حـسًـاس

لـــكـــن زادت لـهـفــتــه واشـتــيــاقــه

واثريـك تاجـر بالمشـاعـر بــلا ســاس

تـشــري وتـبـتـاع الـقـلــوب الـرقـاقــه

وانــا عـلـى النـيـة مـــدور وعـســاس

انـــا بــــدوي(ن)راس مــالــه نـيـاقــه

غدرتـنـي غدر(ن)كـمـا غــدر جـسـاس

واتـعـبـتـنـي يــامــدعــي بـالـصــداقــه

مبطـي عـروق القلـب للـوصـل يـبـاس

غريـتـنـي فــــي ضـحـكـتـك والـلـبـاقـه

غاوي واقول اعزف على وتر حسا س

واقــــول بــكــره تـاتــزيــن الـعــلاقــة

واليـوم انـا صاحـي بعـد مرحلـة يـاس

والتـيّـه واقفـلـي عـلـى عـظــم سـاقــه

صحـيـت وانــا اقــول لابــاس لابــاس

دقــــة وتعـلـيـمـه وســاعـــة فــواقـــه

والـي مذكـرنـي بـعـد طــول الارمــاس

رقمـن علـى الشاشـة عشقتـه عشـاقـه

رقمن يجي بحساس ويـروح بحسـاس

واروق لـــو مـانــي بـحــول الـرواقــه

والحـيـن لاشفـتـه يجيـنـي بـالاتـعـاس

واقــــول جــعــل الله يــطــول فــراقـــه

دقـي ودقــي لـيـن تصحـيـن الاجــراس

ودقــــي ودقــــي دام عــنــدك لـيــاقــه

والله لتـبـطـي عـظــم ماقلـتـلـك يــــس

وقـلـبـك يـــزود بـلـوعـتـه واحـتـراقــه

الـيـوم حـبـك تـحـت الاقـــدام يـنــداس

واحــط راســك تـحـن مــوس الحـلاقـه