ياضي المشاعر

لا والله ان عشرتك يا ضي المشاعر ما تهون =أول أحاسيس المحبه وآخر عذوق الجنا



اقولها وانا من صدودك وفرقاك مغبون =بعدك فقر روحي وقربك يا بعد روحي غنى



اتحن لك كل الاماكن قبل تبكيك العيون =ويشتاق لك عرق الخفوق اللي لغيرك ما انثنى



انت الخيال اللي الحقيقه فيه تغتال الظنون =وانت السراب اللي ملاقته بعيد ولو دنا



وانت الهيام اللي موصلني الي حد الجنون =انت العذاب اللي كسى صبري توجاد وعنا



وانت الغرام بكل شكل وكل طعم وكل لون =وانت العتاب اللي حرمني منك يا كل المنى



وانت المرام اللي سكن ما بين رمشي والجفون =وانت العناد اللي قتل فيني مفاهيم الهنا



وانت الكلام اللي على جملة أحاسيسي يمون =وانت الملام اللي برك في جوف صدري وانحنى



وانت الوحيد اللي ملحقني من طعوني طعون =وانت الغريب اللي بنا حبه وكنّه ما بنا



وانت البخيل بوصل عشّاقك ولو طبعك حنون =وانت الكريم بجرح مضنونك وملحقه الونا



وانا لو ان ماني من صدودك وفرقاك مغبون =ما اجي وانا كلي عنا وارجع وانا كلي عنا

الشاعر/علي الشهراني