دام الخبر

قصيده للشاعر مبارك ال خليفه

دام الخبر ما هو موكد وموثوق

خل العرب تطحن وتدرج رحاها

مانت بوكيل الناس سارق ومسروق

اللي فقدها خابر اللي خذاها

يعلمك بالطاق والطاق مطبوق

وكم لقمة من قبل هذي كلاها

لكن ترى مالك على العالم حقوق

لا عاد تزعجها وتبحث خفاها

واخبارك اللي تبهج القلب وتشوق

قلها تراني محتري مبتداها

اخذت لي شهرين وانا ارجي وفوق

والسالفه ما وصلت منتهاها

راحت حياتك كلها شوق في شوق

كلمه ,, لكنك ما عرفت معناها

لو ان قلبك من عنا الشوق محروق

يمدي عيونك وقف الشوق ماها

لكنك تخوع من السوق للسوق

تطرد ورى الشله .. معاها معاها

ناس ماغير وجيه وعيون وحلوق

الله يعافيها من اللي بلاها

وما هو صحيح ان كل مطرود ملحوق

كم حاجه راحت وأنا اطرد وراها

صح لسان قايلها..