يالبارق

كلمات /سعيد الشواطي
يالبارق.

يالبارق اللي كل ما خيــــلته ابتعد -- قلبي فداك الكون من هجرانك ارتعــد --
ما كنْ لك نظر -- في خافـــقٍ يسكن بجنب الما وبه ضـــما . .

اكذب على قلبي واداري الحزن بالسعد -- واقول للـــعذال خلي م أخلــــف الوعـــد -- من قبل أجي حضر -- اضحك على غيري واقول ان حُبنـا سما . .

أرخصت كلي لك وتجي تقول وش بعد -- الله حسيبك صار نبضي يشبه الـــرعد -- حظرتنــي حظـــر -- واتلفت حُــبْ مـــات في صغره ولا نمـا . .

من قبل لو طـــروك قــام القلب واستعد -- واعلن خضوعه لك ولا كابر ولا قــعـــــد -- قد كان يحتضـــر -- واليـوم ما يرجاك لو صاب النظر عما . .