من روائع الشعر

ماهو حبيبي مورد القلب حتفه
ولا هو حبيبي يفرح بوقت ضعفي
مر ثمر هالليل وأمر قطفه
يالحنظل اللي قمت اذوقه بكفي
متى الشوارع تجمع اثنين صدفه
لا صار شباك المواعيد مجفي

بدر بن عبدالمحسن

بعض العرب لاصار له حاجة جاك
لو هو مريضٍ ماتشيله عظامه
تسوقه اقدام المصالح وينصاك
يشرح لك ظروفه بكثرة كلامه
ولا من قضيته حاجته صد خلاك
ينساك من ساعة تحقق مرامه

عبدالله الرشود

لا تلومني يا هاجس الشعر لا عفت
بوح القصيد وعوّد الصمت غالي
الشعر قلّت هيبته لين ماخفت
على الشعور اللي بصدري بقا لي
والعمر طات غربته لين ماشفت
ان الطموح أصعب من اللي مضا لي

زعل الرشيدي

لك في الضمير الود والحشمه اتوام
ولي في ضميرك مثل ما انا بغيتك
ولك منزلٍ في نايف القلب وخيام
وذود الغـلا ترعاه ولا شكيتك
يفطر عليك القلب وان فارقك صام
والله لونك شوك سدره كليتك
محمد بن فطيس