المخدرات

المخدرات


اعرفه درب المهالك واعرفه درب الامان ... واعرف اللي ماتعرفه في زمانك يا صغير

واختبرني كان شكك حاجز بعقلك مكان ... واسأل عيوني وروح خاضت الدرب العسير

شفت ارواح تهادت بين ماض وبين حان ... ماتعرف وقت الصلاة وماتعرف نار السعير

ناس اموات تسير بهالحياة بلا مآن .... تعتقد كل الحياة في ابرة وعرق ٍ خدير

جرعة الشيطان تسري لين يقضيه الزمان ... بين اه وبين اه وبين واقعنا المرير

وبين صحبة من المواجع والتهالك والجنان ... تخطي رجلهم بشوك ويحسبوا انه حرير

واهلهم يدعون صبح وليل في وقت الاذان ... لين صار الدمع يحرق مقلة عيون الضرير

خايفين يضيع عمره بالمخدر في ثوان .. ويندبوا فيه الامل والنور والعمر القصير

وللاسف ماهم في باله غير اوقات المهان .. يحلف بهم بالشدايد يحسبه حلف ٍ يسير

لو دنوا له بالمحبه للاسف ماهوب دان ... كن قلبه من بروده يستزيد الزمهرير

كل يوم وله سرير الارض مغشي وفان ... وش بيسوي لو في يوم قد غدا قبره سرير

كان ماتعرف مصيرك ليه تتمسك بـ كان ؟.. ماعرفت الذنب هذا كيف ميزانه كبير !!

اصحى قبل ايجيك موتك قبل تفويت الاوان .. واصحى قبل يموت باقي من مجاميع الضمير

شوف اهلك شوف ناسك شوف اشياء تبان ... وشوف مستقبل معلق ينتظر منك تنير

هذا هو نصحي وكيفك ، يا تدين ويا تدان ... لاني اعرف في زمان ماتعرفه يا صغير


منقووووووووووووووووووووووووووووووووووووووووووووووو ول