قلبي اصيل وماضي الحب ماانساه

قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
{رفيق دربي} ماتناسيت ذكراه
لو العرب في رفقته يعذلوني

فديت وقتـ (ن) حط في دربي رفيق
واحد(ن )يضحك معي واضحك معه
واحد(ن) لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

انا لا قلت لي أشلونك
وانا ضايق اقول بخير
مدامك سائل عني
اكيد ان ضيقتي راحت
انا من كثر ماحبك
اشوفك في عيوني غير
تضيق النفس من غيرك
ولا من شافتك ارتاحت

صديقي كل السهام الي طعنتني باليد
إلاسهامك ناظرها نار في صدري تقيد
صديقي رغم الالم تبقي الصداقه (غاليه)
ومن يمسح دموعي انا ماتدمع عيونه اكيد
روح الصداقه معطره باحلا المعاني الساميه
وماحس بك غير الصديق لو كان ابعد من بعيد
يوم اشتكيت دنيتك شفت عروقي داميه
ويوم بكيت دمعتك كم ذاب في صدري جليد

ياشين قل الصديق ومسة الحاجة
وفقدانك الحاجة اللي كنت ذاخرها
وجفوة أعز الناس لاصرت محتاج
تثر على النفس وتكدر مشاعرها
واللي يزود عذاب القلب وأزعاجه
مقابل الناس لاشانت خواطرها

انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك

لي صحبة بين الضلوع في حنايا القلب مأواهم..
هم أهل ودي تسعد الروح بذكراهم..
هم معدن الخير في الناس طابت سجاياهم..
فيارب أحفظهم وزدهم في مزاياهم..
وبلغهم مناهم وإغفر لهم خطاياهم..

من نسى في زحمة الدنيا رفيق
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
هو بعد غالي ومن رفقه اخواني

شخص إلا منه مضى لي معه يوم
أندم على ايام مضت قبل ما القاه
احتاج له لا صار في صدري هموم
ولو ينكسر ساقي تسندني يمناه
جعل المعزة بيننا دايم الدوم
هذا الرفيق اللي من الصعب تنساه

دامي على الدنيا وأشم النسايم
والله ماأبيعك يارفيقي وأخليك
لو حال من دونك بغيض ولايم
مغليك مهما كلف الأمر مغليك
ولوصار من دونك جدال وشتايم
أبيع عمري وافتخر يالخوي فيك