حلم ..عانس

	اتت .. حكت .. شكت .. سكت .. فبكت .. واليكم ما قالت . . . يا يبه .. ضاقت بعيني وسيعات الدروب والزمن مكن بجوفـي طعونـه يـا يبـه وجد عيني شمس عمري تدانت للغروب والفـرح قـدام عينـي تدانـى مغربـه والله إني أرفع الراس ... ما ني باللعوب لكن ان الهـم غـارس بجوفـي مخلبـه يا يبه حظي تردى ... وعيـا لا يتـوب كل يـوم يزيـد جـوره ويفتـل بشنبـه والبلا يا بوي صرتوا معه من كل صوب قمتوا تشبون ضوه وانا صـرت حطبـه احترق من شان ترضون والعمر محسوب راحت افراحـه وقفَّـت سنينـه مجدبـه والله اني ما تهقويت ... تخذلني قلـوب حطت الشوك بطريقي وعيـت تسحبـه ولا انا كم سقت روحي على جمر ٍ شبوب وكم سحبني قدركم فيه مـن دون انتبـه انتظرت اللي بغيتـوا .. ولكنـه كـذوب ما لفا والباب مفتوح .. والـدرب عتبـه تاج راسي كل ربعـي مفرّجـة الكـروب بس وين اللي من القوم لك مـد سلبـه كل حلمي طير واسقيه من دمي شـروب يكبر ويجمع بروحـه .. ثيابـه وكتبـه احلم يصارخ ويطلب بدال الثـوب ثـوب احلم يقول اعشق امي واضمه واشربـه احلم انه يرمي كتاب ... يتعثـر بكـوب وامسك اذنه .. وآهمس له جبه يالله جبه احلم اشوفه لصدري سبق كف الهبـوب احلم بمزحه معـي هـد حيلـه واتعبـه احلم يجي دمه حامي مثل اهـل الجنـوب واحلم انه منك يا بـوي ماخـذه الشبـه هذا قلبي صار يابوي لك خبت ٍ جبـوب ودون عصيانك سهالات .. موتي يا يبه شعر /سالم بن جلعان